(ភ្នំពេញ)៖ លោក លី ច័ន្ទតុលា រដ្ឋលេខាធិការទីស្ដីការគណៈរដ្ឋមន្ត្រី ជាអនុប្រធាន និងជាអគ្គលេខាធិការនៃអគ្គលេខាធិការដ្ឋានគណៈកម្មាធិការដឹកនាំការកែទម្រង់ច្បាប់ (គ.ក.ច.) បានថ្លែងបញ្ជាក់ថា កម្ពុជាកំពុងរៀបចំក្រមពាណិជ្ជកម្ម ដោយបានប្រមូលផ្តុំនូវរាល់ច្បាប់ និងលិខិតបទដ្ឋានគតិយុត្តផ្សេងៗ ពាក់ព័ន្ធវិស័យពាណិជ្ជកម្ម ដាក់បញ្ជូលគ្នាឱ្យក្លាយជាច្បាប់តែមួយ ឫក្រមតែមួយ ដើម្បីធានាសន្តិសុន្តិសុខគតិយុទ្ធ និងបង្កើនទំនុកចិត្តដល់ពាណិជ្ជករ និងអ្នកវិនិយោគ។

លោក លី ច័ន្ទតុលា បានលើកឡើងដូចនេះ នៅក្នុងសិក្ខាសាលាស្តីពីការរៀបចំក្រមពាណិជ្ជកម្មសម្រាប់កម្ពុជា នានៅថ្ងៃទី២៤ ខែមិថុនា ឆ្នាំ២០២៦នេះ ដែលបានធ្វើឡើងក្រោមអធិបតីភាពលោកឧបនាយករដ្ឋមន្រ្តីប្រចាំការ វង្សី វិស្សុត រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានគណៈកម្មាធិការដឹកនាំការកែទម្រង់ច្បាប់ នៅសណ្ឋាគារសុខា ភ្នំពេញ។

លោក លី ច័ន្ទតុលា បានបន្ថែមថា រាជរដ្ឋាភិបាលកម្ពុជា ចាប់តាំងពីអាណត្តិទី១ រហូតមកដល់អាណត្តិទី៧នេះ រាជរដ្ឋាភិបាល បានខិតខំប្រឹងប្រែងក្នុងការរៀបចំច្បាប់ និងលិខិតបទដ្ឋានគតិយុត្ត និងបានធ្វើការកែទម្រង់ជាបន្តបន្ទាប់ និងជាលទ្ធផល គឺបានទទួលបាននូវផ្លែផ្កាជាច្រើន សម្រាប់ការអភិវឌ្ឍ និងការទាក់ទាញវិនិយោគបានជាច្រើននៅកកម្ពុជា៕

សូមស្តាប់ការលើកឡើងរបស់លោក លី ច័ន្ទតុលា៖