(ភ្នំពេញ)៖ កម្លាំងការិយាល័យជំនាញ កងរាជអាវុធហត្ថរាជធានីភ្នំពេញ នាថ្ងៃទី២៣ ខែមិថុនា ឆ្នាំ២០២៦ បានបញ្ជូនជនសង្ស័យចំនួន ០៤នាក់ ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធីច្បាប់ ពាក់ព័ន្ធករណី ៤ផ្សេងគ្នា បន្ទាប់ពីត្រូវបានឃាត់ខ្លួនបានជាបន្តបន្ទាប់។

ជនសង្ស័យ ទាំងនោះរួមមាន៖

- ទី១ ឈ្មោះ សាត វិទូ ភេទប្រុស អាយុ១៥ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ឃាត់ខ្លួនកាលពីថ្ងៃទី២១ ខែមិថុនា ឆ្នាំ២០២៦ ពាក់ព័ន្ធករណីរួមភេទជាមួយអនីតិជនអាយុក្រោម១៥ឆ្នាំ ប្រព្រឹត្តចំនុចនៅផ្ទះជួលគ្មានលេខ ផ្លូវបេតុង ភូមិកន្ទោកជើង សង្កាត់ កន្ទោក ខណ្ឌកំបូល រាជធានីភ្នំពេញ កាលពីអំឡុងខែឧសភា ឆ្នាំ២០២៥ និងថ្ងៃទី០៩ ខែវិច្ឆិកា ឆ្នាំ២០២៥។

- ទី២ ឈ្មោះ សុខា សុខណា ហៅ អាប់ ភេទប្រុស អាយុ១៨ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ឃាត់ខ្លួនកាលពីថ្ងៃទី២១ ខែមិថុនា ឆ្នាំ២០២៦ វេលាម៉ោងប្រមាណ ១៧ និង ០០ នាទី នៅចំណុច ម្តុំផ្សារចិនជិតក្រសួងការបរទេស ភូមិ១៤ សង្កាត់ទន្លេបាសាក់ ខណ្ឌចំការមន រាជធានីភ្នំពេញ ពាក់ព័ន្ធករណីហិង្សាដោយប្រើកាំបិតប៉័ងតោ និងដំបងដែកគប់ទៅលើជនរងគ្រោះបណ្តាលឲ្យរងរបួស និង ប្រើប្រាស់ដោយខុសច្បាប់នូវសារធាតុញៀន។

-ទី៣ ឈ្មោះ សុខ ណា ភេទប្រុស ២៧ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ឃាត់ខ្លួនកាលពីថ្ងៃទី២៣ ខែមិថុនា ឆ្នាំ២០២៦ ពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀន និងលួចដុំដូយរថយន្ត កាលពីថ្ងៃទី២២ ខែមិថុនា ឆ្នាំ២០២៦ វេលាម៉ោងប្រមាណ ១៨ និង ៣០នាទី នៅចំណុច ក្បែរផ្លូវប្រឡាយ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។

-ទី៤ ឈ្មោះ សុខ លឿនឧត្តម ភេទប្រុស អាយុ១៩ឆ្នាំ ត្រូវបានកម្លាំងការិយាល័យជំនាញ កងរាជអាវុធហត្ថរាជធានីភ្នំពេញ ឃាត់ថ្ងៃទី២៣ ខែមិថុនា ឆ្នាំ២០២៦ វេលាម៉ោងប្រមាណ ១៥និង៣០នាទី ពាក់ព័ន្ធករណីលួចមានស្ថានទម្ងន់ទោស (ឆក់ទូរស័ព្ទដៃ) កាលពីថ្ងៃទី២១ ខែមិថុនា ២០២៦ វេលាម៉ោងប្រមាណ២២ និង៣០នាទី នៅចំណុច ស្តុបអូឡាំពិក ផ្លូវ២៧៤ សង្កាត់វាលវង់ ខណ្ឌ៧មករា រាជធានីភ្នំពេញ៕