(ភ្នំពេញ)៖ គណៈបញ្ជាការឯកភាពរដ្ឋបាលខណ្ឌដង្កោ បន្តចុះត្រួតពិនិត្យរដ្ឋបាល ជនបរទេសស្នាក់នៅ ចំនួន ០៣ទីតាំង រកឃេីញជនបរទេស ចំនួន៣០នាក់ មាន០២សញ្ជាតិ រួមមានចំនួនចិន ២៩នាក់​ និងម៉ាឡេស៊ី ០១នាក់​ ក្នុងនោះ​ ជនសង្ស័យ២៤នាក់ ជាប់សង្ស័យ បទល្មេីស​ Scams Online។

ក្នុងចំណោមជនបរទេសទាំងនោះ​ ៦នាក់ មានលិខិតឆ្លងដែន និហទិដ្ឋាការត្រឹមត្រូវ និងមិនមានសង្ស័យ Online Scams ឡើយ។

តាមសមត្ថកិច្ច​ ការត្រួតពិនិ​ត្យ​នៅទីតាំងទី៣ នៅបុរី ជីបម៉ុង៥០ម៉ែត្រ ភូមិគ្រឹះលេខ១១ ផ្លូវP05 ស្ថិតនៅភូមិថ្មី សង្កាត់ដង្កោ រកឃើញមានជនបរទេស ចំនួន២៤នាក់ ក្នុងនោះ មានជនជាតិចិន២៣នាក់ មានលិខិតឆ្លងដែន​ និងស្រ្តីជនជាតិម៉ាឡេស៊ី ចំនួន១នាក់ ក្នុងចំណោមនោះ​ ជនជាតិចិន ចំនួន៦នាក់​ ក្នុងនោះមាន២នាក់ផុតសុពលភាព ទិដ្ឋាការស្នាក់នៅ​។ ក្នុងប្រតិបត្តិការ​នេះ​ សមត្ថកិច្ចបានរកវត្ថុតាងមួយចំនួនមាន ម៉ូនីទ័រចំនួន២គ្រឿង, CPU ចំនួន១គ្រឿង, Laptop ចំនួន២២គ្រឿង, ទូរស័ព្ទដៃចំនួន៦៩១គ្រឿង, ROUTER WIFI ចំនួន១គ្រឿង, ដុំបំបែកអ៊ីនធឺណែត(Wireless Access Point) ចំនួន១០គ្រឿង, ដុំសាកទូរស័ព្ទ(Charger USB) ចំនួន១០គ្រឿង, ម៉ាស៊ីន DVR ចំនួន១គ្រឿង ។

យោងតាមធ្វើកោសល្យវិច្ឆ័យពីមន្រ្តីជំនាញ នៃការិយាល័យប្រឆាំងបទល្មេីសបច្ចេកវិទ្យា ឃើញជាប់ពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា (Online Scams )។

ជនសង្ស័យ២៤នាក់ និងវត្ថុតាងខាងលើ បញ្ជូនទៅស្នងការដ្ឋានរាជធានីភ្នំពេញ ដើម្បីកសាងសំណុំរឿងបញ្ជូនមកអយ្យការអមសាលាដំបូងរាជធានីភ្នំពេញ ចាត់ការទៅតាមផ្លូវច្បាប់ ៕