(បរទេស)៖ ក្រុមមកពីតំបន់អាហ្រ្វិក គឺអាហ្រ្វិកខាងត្បូង បានឡើងទៅវគ្គ ៣២ក្រុមចុងក្រោយនៃព្រឹត្តិការណ៍បាល់ទាត់ ពិភពលោក FIFA World Cup 2026 ដូចនឹងម្ចាស់ផ្ទះមិចស៊ិកផងដែរ ក្រោយឈ្នះក្រុមអាស៊ី កូរ៉េខាងត្បូង ១-០ នាព្រឹកថ្ងៃព្រហស្បតិ៍នេះ ក្នុងនាមក្រុមឈរនៅចំណាត់ថ្នាក់លេខ២ ប្រចាំពូល A។

ក្រោយឆ្លងកាត់ ៣ប្រកួតប្រចាំពូល A ក្រុមម្ចាស់ផ្ទះ World Cup 2010 មួយនេះ រកបាន ៤ពិន្ទុឈរលេខ២ ដ្បិតថ្ងៃបើកឆាកលេងចាញ់ម្ចាស់ផ្ទះមិចស៊ិក ២-០ មុនពេលលេងស្មើ ១-១ ទល់នឹងក្រុមនៅអឺរ៉ុប សាធារណរដ្ឋឆេក និងថ្ងៃបិទបញ្ចប់ពូលលេងឈ្នះកូរ៉េខាងត្បូង ១-០។

នេះមានន័យថា អាហ្រ្វិកខាងត្បូង ជាក្រុមទី២ ចេញពីទ្វីបអាហ្រ្វិកដែលបានឆ្លងចូលវគ្គចាញ់-ធ្លាក់ ៣២ក្រុមចុងក្រោយ បន្ទាប់ពីម៉ារ៉ុក ដែលបញ្ចប់លេខ២ ប្រចាំពូល B នៅពេលវាយបកឈ្នះហៃទី ៤-២ មកពីតំបន់អាមេរិកខាងជើងនាព្រឹកមិញ។

ចំណែកឯកូរ៉េខាងត្បូង ដែលមានត្រឹម ៣ពិន្ទុ និងជំពាក់គេ ១គ្រាប់ផងនោះ ត្រូវរង់ចាំអ៊ុតក្រុមលេខ៣ ល្អនៃពូលផ្សេងទៀត ក្នុងការឈានទៅវគ្គ ៣២ក្រុមនៃ World Cup ជំនាន់ទី២៣ នេះដែរ នៅពេលមិចស៊ិក ក៏បានបំបាក់សាធារណរដ្ឋ ឆេក ៣-០ បន្តប្រវត្តិលេង ៣ប្រកួតឈ្នះទាំងអស់៕