(បាត់ដំបង)៖ លោក ម៉ម ប៊ុននាង ប្រធានគណៈកម្មការអង្កេត បោសសម្អាត និងប្រឆាំងអំពើពុករលួយ(គណៈកម្មការទី
១០)នៃព្រឹទ្ធសភា នៅថ្ងៃទី២៤ ខែមិថុនា ឆ្នាំ២០២៦ បានដឹកនាំគណៈប្រតិភូព្រឹទ្ធសភា និងគណៈប្រតិភូមូលនិធិចែករំលែកសង្គ្រោះជីវិតសកល(GLS)នៃសាធារណរដ្ឋកូរ៉េ ជួបពិភាក្សាការងារជាមួយថ្នាក់ដឹកនាំរដ្ឋបាលខេត្តបាត់ដំបង នៅសាលប្រជុំសាលាខេត្តបាត់ដំបង។

មានប្រសាសន៍ក្នុងឱកាសនោះ លោក ម៉ម ប៊ុននាង បានបញ្ជាក់ថា កាលពីថ្ងៃទី២២ ខែមិថុនា ឆ្នាំ២០២៦ ព្រឹទ្ធសភាតាមរយៈគណៈកម្មការទី១០ បានចុះអនុស្សារណៈស្ដីពីការផ្ដល់ជំនួយមនុស្សធម៌ដែលរួមមាន៖ ឱសថ ឧបករណ៍វេជ្ជសា
ស្រ្ត និងសម្ភារប្រើប្រាស់ចាំបាច់ប្រចាំថ្ងៃ ប្រគល់ជូនដល់រដ្ឋបាលខេត្តបាត់ដំបងចំនួន ៥លានដុល្លារសហរដ្ឋអាមេរិកសម្រាប់ដាក់ឱ្យអនុវត្តន៍រយៈពេល ៥ឆ្នាំដោយគិតពីឆ្នាំ២០២៦-២០៣១ ក្នុងគោលបំណងចូលរួមលើកកម្ពស់គុណភាពជីវិត របស់ប្រជាជនក្រីក្រ និងប្រជាជនងាយរងគ្រោះនៅមូលដ្ឋាន ពិសេសផ្នែកសុខភាព អប់រំ និងសុខមាលភាពឱ្យបានកាន់តែល្អប្រសើរ។

លោកសង្កត់ធ្ងន់ថា មូលនិធិ GLS បានចាប់ផ្តើម និងបានផ្តល់ជំនួយរបស់ខ្លួនចំនួន ២២លើក ក្នុងទឹកប្រាក់សរុបចំនួន
៣៤លានដុល្លារអាម៉េរិក ចាប់ពីឆ្នាំ២០២២ មកទល់បច្ចុប្បន្ននេះ ហើយក្នុងឆ្នាំ២០២៧ មូលនិធិមានគម្រោងវិសាល
ភាពបញ្ចូលទៅខេត្តផ្សេងទៀតផងដែរ។

លោក គីម ជុងណាម ប្រធានមូលនិធិចែករំលែកសង្គ្រោះជីវិតសកល នៃសាធារណរដ្ឋកូរ៉េ បានសម្ដែងក្ដីរីករាយ និងបង្ហាញពីបំណងបន្តជួយដល់ប្រទេសកម្ពុជាឱ្យបានគ្របដណ្ដប់នៅទូទាំង២៥ រាជធានី ខេត្ត។

លោក គីម ជុងណាម នឹងពិនិត្យលទ្ធភាពផ្ដល់ជូនបន្ថែមនូវសម្ភារវេជ្ជសាស្រ្តដល់រដ្ឋបាលខេត្តបាត់ដំបងដើម្បីបំពេញសេចក្ដីត្រូវការចាំបាច់ក្នុងវិស័យសុខាភិ
បាលផងដែរ។

លោក សុខ លូ បានសម្ដែងនូវការកោតសរសើរបំផុតចំពោះទស្សនវិស័យ និងបេសកកម្មមនុស្សធម៌ដ៏ថ្លៃថ្លារបស់មូលនិធិចែករំលែកសង្គ្រោះជីវិតសកលក្រោមការដឹកនាំរបស់លោកប្រធានដែល តែងតែបង្ហាញនូវទឹកចិត្តសប្បុរសធម៌ក្នុងការចែករំលែកនិងជួយសង្គ្រោះជីវិតមនុស្សលោក
ដោយមិនប្រកាន់ពូជសាសន៍ និងពណ៌សម្បុរ។ សកម្មភាពដ៏មានតម្លៃទាំងនេះ គឺពិតជាស្របទៅនឹងគោលនយោបាយគាំពារសង្គមរបស់រាជរដ្ឋាភិបាលកម្ពុជា។

លោកបង្ហាញក្ដីសង្ឃឹមយ៉ាងមុតមាំថា តាមរយៈអនុស្សរណៈនៃការយោគយល់នេះនឹងក្លាយជាសកម្មភាពថ្មីមួយក្នុង ការបើកទំព័រថ្មីនៃកិច្ចសហប្រតិបត្តិការយូរអង្វែង ពិសេសលើការបង្កើតឱ្យមានគម្រោងមនុស្សធម៌នានា ការផ្លាស់ប្ដូរបទពិសោធន៍ បច្ចេកទេស និងការជួយឧបត្ថម្ភគាំទ្រដល់វិស័យសុខុមាលភាព ដើម្បីលើកកម្ពស់គុណភាពជីវិត និងសុខភាពរបស់ប្រជាពលរដ្ឋ នៅក្នុងខេត្តបាត់ដំបង ឱ្យកាន់តែប្រសើរឡើង។

លោក បានសង្កត់ធ្ងន់ថា រដ្ឋបាលខេត្ត និងមន្ត្រីពាក់ព័ន្ធទាំងអស់ត្រៀមខ្លួនជាស្រេចក្នុងការសហការ និងបង្កលក្ខណៈងាយស្រួលគ្រប់ បែបយ៉ាងដើម្បីឱ្យរាល់គម្រោង និងគោលបំណងរបស់មូលនិធិទទួលបានជោគជ័យតាមការគ្រោងទុក៕