(បរទេស)៖ អេក្វាទ័រ ក្រុមមកពីតំបន់អាមេរិកឡាទីន បានឆ្លងទៅវគ្គ ៣២ក្រុមចុងក្រោយនៃព្រឹត្តិការណ៍បាល់ទាត់ពិភពលោក FIFA World Cup 2026 តាមរយៈយកឈ្នះឥន្រ្ទីដែកអាល្លឺម៉ង់ ២-១ នៅថ្ងៃបិទបញ្ចប់ពូលពូល E យប់មិញ។

៣ពិន្ទុដ៏សំខាន់នេះដែរ បានញាំងឱ្យអេក្វាទ័រមាន ៤ពិន្ទុឈរនៅលេខ៣ ប្រចាំពូល E តាមពីក្រោយគូប្រជែងអាល្លឺម៉ង់ ឈរកំពូលតារាង និងកូដឌីវ័រលេខ២ ដោយមាន ៦ពិន្ទុស្មើគ្នា និងបំបាក់កូរ៉ាសៅ ២-០ ក្រោយឆ្លងកាត់ ៣ប្រកួតក្នុងពូលដូចៗគ្នា។

នេះមានន័យថា ពួកគេបានចូលរួមជាមួយក្រុមអាហ្សង់ទីន កូឡុំប៊ី និងប្រេស៊ីល ដែលមកពីតំបន់អាមេរិកខាងត្បូងជាមួយគ្នាឆ្លងទៅវគ្គ ៣២ក្រុមនៃ World Cup ជំនាន់ទី២៣ ដែលរៀបចំនៅសហរដ្ឋអាមេរិក មិចស៊ិក និងកាណាដា និងក្នុងនាមក្រុមលេខ៣ ល្អទី២ ផងដែរ បន្ទាប់ពីបូស្នី ធ្វើបានកាលពីរាត្រីម្សិលមិញ។

គិតត្រឹមពេលនេះវគ្គ ៣២ក្រុមរកបាន ១៥ប្រទេសហើយឡើងទៅវគ្គចាញ់-ធ្លាក់រួមមានក្រុមម្ចាស់ផ្ទះទាំង៣ អាមេរិក មិចស៊ិក និងកាណាដា រួមទាំងម៉ារ៉ុក កូដឌីវ័រ និងអាហ្រ្វិកខាងត្បូង មកពីតំបន់អាហ្វ្រិក និងបារាំង អាល្លឺម៉ង់ ន័រវេស ស្វីស និងបូស្នី ក្រុមនៅតំបន់អឺរ៉ុប រួមទាំងអេក្វាទ័រ អាហ្សង់ទីន ប្រេស៊ីល និងកូឡុំប៊ី មកពីតំបន់អាមេរិកឡាទីន៕