(អង់គ្លេស)៖ ក្រសួងអប់រំ យុវជន និងកីឡា បានបញ្ចូនសិស្សចំនួន១៣នាក់ ចូលរួមក្នុងកម្មវិធី The Young Master Challenge Global Final 2026 ដែលប្រព្រឹត្តទៅ នៅសាកលវិទ្យាល័យ Queen Mary ទីក្រុងឡុងដុន នៃចក្រភាពអង់គ្លេស ចាប់ពីថ្ងៃទី២០ ដល់ថ្ងៃទី២៧ ខែមិថុនា ឆ្នាំ២០២៦ ដែលដឹកនាំក្រុមដោយ លោកបណ្ឌិតសភាចារ្យ ច័ន្ទ រ័ត្ន ទីប្រឹក្សាក្រសួងអប់រំ យុវជន និងកីឡា ទទួលបន្ទុកដេប៉ាតឺម៉ង់ស្រាវជ្រាវគរុកោសល្យជំនាន់ថ្មី នៃវិទ្យាស្ថានជាតិអប់រំ។

លទ្ធផលនៃការប្រឡងទទួលបានដូចខាងក្រោម៖

នីតិវិធីនៃការប្រឡងមានពីរប្រភេទគឹ ១. ប្រឡងផ្ទាល់ជាបុគ្គល និង២. ប្រឡងជាក្រុម។

១៖ ប្រឡងផ្ទាល់ជាបុគ្គល សិស្សកម្ពុជាមានចំនួន១៣នាក់ចូលរួម ក្នុងចំណោម៣៣ប្រទេស។ លទ្ធផលទទួលបាន៖ មេដាយមាស៣នាក់ មេដាយប្រាក់ចំនួន៥នាក់ និងមេដាយសំរឹទ្ធចំនួន៥ នាក់។

២៖ ប្រឡងជាក្រុមសិស្សកម្ពុជា មានចំនួន៤ក្រុមចូលរួម។ លទ្ធផលទទួលបាន៖ ១ក្រុម ទទួលបានពានមាស ១ក្រុមទទួលបានពានប្រាក់ និង ១ក្រុមទទួលពានសំរឹទ្ធ។

ក្រុមសិស្សជ័យលាភី នឹងវិលត្រឡប់ដល់កម្ពុជាវិញ នៅរសៀលថ្ងៃអាទិត្យទី២៨ ខែមិថុនា ឆ្នាំ២០២៦ វេលាម៉ោង៤៖១៥នាទី តាមជើងយន្តហោះលេខ QR970៕