(បរទេស)៖ ក្រុមបាល់ទាត់ជម្រើសជាតិអ៉ីរ៉ង់ កំពុងឈរនៅលេខរៀងទី៦ ក្នុងនាមក្រុមលេខ៣ ល្អ ក្រោយវាយបកតាមស្មើ ១-១ ទល់នឹងអេហ្ស៊ីបនាព្រឹកថ្ងៃសៅរ៍នេះនៅ World Cup 2026។

អ៉ីរ៉ង់ ក្រុមស្ថិតនៅតំបន់អាស៊ី បញ្ចប់ក្នុងតំណែងលេខ៣ ប្រចាំពូល G តាមពីក្រោយក្រុមលេខ២ អេហ្ស៊ីបមកពីអាហ្វ្រិកមាន ៥ពិន្ទុ និងប៊ែលហ្ស៊ិកមាន ៥ពិន្ទុដែរ ក្រោយបំបាក់ក្រុមហាលអាវណូវែលហ្សេឡង់ ៥-១ ព្រឹកមិញដែរ។

ប្រទេសកំពុងធ្វើសង្រ្គាមជាមួយអ៉ីស្រាអែល និងសហរដ្ឋអាមេរិកផងនោះ ក៏បានសាងស្ថិតិលេង ៣ប្រកួតក្នុងពូលមិនចាញ់ដូចក្រុមកាប់វ៉េដែរ ពោលគឺស្មើទាំង ៣លើកតែម្តង រកបាន ៣ពិន្ទុដូចកូរ៉េខាងត្បូង ស្កុតឡេន និងសេណេហ្គាល់។

ក៏ប៉ុន្តែពួកគេមាន ៣ពិន្ទុមិនជំពាក់គ្រាប់បាល់ គ្រាដែលសេណេហ្គាល់មាន ៣ពិន្ទុដែរ តែនៅសល់ ២គ្រាប់ចំណេញ ដ្បិតលេខ៣ នឹងដឹងច្បាស់ពេលប្រកួតបិទបញ្ចប់ពូល J K និងពូល L នាយប់នេះ និងព្រឹកថ្ងៃអាទិត្យស្អែកនេះ៕