(ភ្នំពេញ)៖ តាងនាមខ្ញុំបាទ ឧកញ៉ា តែ តាំងប៉ ប្រធានក្រុមប្រឹក្សាភិបាលនៃសមាគមមូលនិធិសម្តេចតេជោ និងតំណាងឱ្យថ្នាក់ដឹកនាំក្រុមប្រឹក្សាភិបាលសមាគមមូលនិធិសម្តេចតេជោ និង FASMEC សូមថ្លែងអំណរគុណយ៉ាងជ្រាលជ្រៅ ចំពោះវត្តមាន ឯកឧត្តម លោកជំទាវ ឧបនាយករដ្ឋមន្ត្រី ទេសរដ្ឋមន្ត្រី រដ្ឋមន្ត្រី លោកអ្នកឧកញ៉ា អ្នកឧកញ៉ា ឧកញ៉ា លោក លោកស្រី ដែលជាភ្ញៀវជាតិ និងអន្តរជាតិ ដែលបានចូលរួមយ៉ាងច្រើនកុះករ និងឧបត្ថម្ភថវិកាយ៉ាងច្រើនកុះករជាកញ្ចប់ ដើម្បីជាកម្មវត្ថុផ្សេងៗសម្រាប់ប្រើប្រាស់ក្នុង «ពិធីសំណេះសំណាលមហាគ្រួសារសហគ្រាសធុនតូច និងមធ្យម និងសិប្បកម្មកម្ពុជា» ក្នុងឱកាសទិវាជាតិសហគ្រាសធុនមីក្រូ តូច និងមធ្យម លើកទី៣ របស់សមាគមមូលនិធិសម្តេចតេជោ ដែលបានប្រព្រឹត្តទៅនៅថ្ងៃទី២៧ ខែមិថុនា ឆ្នាំ២០២៦ នៅមជ្ឈមណ្ឌល​ សាលសន្និបាត​ និងពិព័រណ៍កោះពេជ្រ ក្រោមអធិបតីភាពដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយរដ្ឋមន្រ្តី នៃព្រះរាជាណាចក្រកម្ពុជា៕⁩