(ភ្នំពេញ)៖ លោក ម៉េង ស្រ៊ុន សមាជិកគណៈអចិន្រ្តៃយ៍ គណៈកម្មាធិការគណបក្សខេត្តកំពង់ស្ពឺ ប្រធានក្រុមការងារគណបក្សចុះមូលដ្ឋានឃុំអមលាំង និងជាប្រធានគណៈកម្មការគ្រប់គ្រងសមាជិក ខ២៦.២ នៅថ្ងៃសៅរ៍ ទី២៧ ខែមិថុនា ឆ្នាំ២០២៦ បានអញ្ជើញចូលរួមជួបសំណេះសំណាល និងប្រគល់ទទួលឯកសារជាមួយប្រជាពលរដ្ឋ ២០គ្រួសារ ត្រូវកែតម្រូវឯកសារអត្រានុកូលដ្ឋានខុសបច្ចេកទេសរដ្ឋបាលមិនអាចប្រើប្រាស់បាន និងប្រគល់ទទួលសម្ភារស្បៀងឧបភោគបរិភោគជូនដល់ស្នាក់ការគណបក្សឃុំអមលាំង។

អំណោយរួមមាន៖ អង្ករ ១២០ បេ (៦០០គីឡូ) ទឹកបរិសុទ្ធ(v.active) ៥០ កេស ភេសជ្ជៈ (v.active) ៣០ កេស ទឹកត្រី ៣០ យួរ និងស៊ីអ៉ីវ ៣០ យួរ។

ក្នុងនោះផងដែរ លោកក៏បន្តដឹកនាំក្រុមការងារ ចុះសួរសុខទុក្ខគ្រួសារដែលមានជីវភាពខ្វះខាត់ចំនួន ២គ្រួសារ៖

*គ្រួសារទី១ ឈ្មោះ ប៉ុន គៀវ អាយុ ៦៩ឆ្នាំ មានសមាជិកគ្រួសារចំនួន ៤នាក់ ស្រី ៣នាក់

*គ្រួសារទី២ ឈ្មោះ ឃុន សាយ អាយុ ៨១ឆ្នាំ សមាជិកចំនួន ៣នាក់ ស្រី ២នាក់ ស្ថិតនៅភូមិព្រែក ឃុំអមលាំង ស្រុកថ្ពង ខេត្តកំពង់ស្ពឺ។

ក្នុង ១គ្រួសារ ទទួលបាន៖ អង្ករ ៤បេ (២០គីឡូ) ទឹកសុទ្ធ ១កេស មី ១យួរ ទឹកត្រី ១យួរ ទឹកស៊ីអ៉ីវ ១យួរ និងត្រីខ ១យួរ។

ក្រោយពីជួបសួរសុខទុក្ខគ្រួសារខ្វះខាត់រួច លោកបានបន្តដឹកនាំក្រុមកាងារ ចុះត្រួតពិនិត្យទីតាំងទុយោទឹកតភ្ជាប់ពីភូមិតាំងសំរោង ទៅភូមិថ្នល់ និងប្រគល់ថវិកាអ្នកឧកញ៉ា សេង ញ៉ក់ អគ្គនាយកក្រុមហ៊ុនកំពង់ស្ពឺ ស៊ូហ្គឺ ចំនួន ៣,៥០០ដុល្លារ សម្រាប់ទិញទុយោទឹកជូនប្រជាពលរដ្ឋប្រើប្រាស់ និងបានឧបត្ថម្ភទឹកប្រាក់ដល់ប្រជាការពារ (៨នាក់ x ២០,០០០៛) ស្មើ ១៦០,០០០រៀល។ ចំណាយសរុបរួមអស់ទឹកប្រាក់ ១៨,៨៤៦,០០០រៀល៕