(កំពង់ធំ)៖ ចម្ងាយផ្លូវត្រឹម៥គីឡូម៉ែត្រប៉ុណ្ណោះ តែបានធ្វើឱ្យប្រជាពលរដ្ឋក្នុង ភូមិ សង្វាត ឃុំក្រយា ស្រុកប្រាសាទបល្ល័ង្ក ខេត្តកំពង់ធំ ត្រូវចំណាយពេលវេលារាប់ ម៉ោងក្នុងការធ្វើដំណើរទៅស្រែចម្ការ ហើយពេលខ្លះត្រូវដាច់បាយថែមទៀតផង។

ការលំបាកនោះកើតមានទាំងក្នុងរដូវប្រាំង និងរដូវវស្សា។ ខែប្រាំងជាប់ខ្សាច់ រីឯខែ វស្សាជាប់ផុងដោយភក់។ បើតាមប្រជាពលរដ្ឋក្នុងភូមិ បានអះអាងថា ពេលធ្វើ ដំណើរម្តងៗត្រូវចំណាយពេលរាប់ម៉ោង។

ក្តីលំបាករាប់ឆ្នាំព្រោះផ្លូវធ្វើដំណើររបស់អ្នកភូមិសង្វាត ត្រូវបានបញ្ចប់ហើយ។ ក្រោយពីសម្តេចតេជោ ហ៊ុន សែន ប្រធានគណបក្សប្រជាជនកម្ពុជា ចាត់តាំង ឱ្យ ចុះពង្រឹងការងារនៅស្រុកប្រាសាទបល្ល័ង្ក លោកអ្នកឧកញ៉ា ទ្រី ភាព បានយក ចិត្ត ទុក ដាក់ដោះស្រាយលើបញ្ហាលំបាកទាំងឡាយប្រជាពលរដ្ឋនៅ ក្នុងស្រុក នេះ រួមទាំងបញ្ហាផ្លូវរបស់ពលរដ្ឋនៅភូមិសង្វាត។

នៅដើមខែឧសភា ឆ្នាំ២០២៦ ការដ្ឋានសាងសង់ផ្លូវក៏ត្រូវបានចាប់ផ្តើម។ ការ សាង សង់ត្រូវបានធ្វើឡើងយ៉ាងលឿនរហ័សនៅដើមខែមិថុនា ផ្លូវក្រាលក្រួស ក្រហមប្រវែងប្រមាណជា៥គីឡូម៉ែត្រ ត្រូវបានសាងសង់រួចរាល់ជាស្ថាពរ។

ជាផ្លូវក្រួសក្រហមមិនវែងទេ តែសម្រាប់អ្នកភូមិសង្វាត គឺជាសមិទ្ធផលមួយដ៏ ធំធេង។ គាត់ចាត់ទុកជាសមិទ្ធផលធំ ព្រោះការលំបាកដែលបានជួបប្រទះជាយូរ ឆ្នាំព្រោះតែផ្លូវនេះ គឺមានវិសាលភាពធំធេងណាស់សម្រាប់ជីវិតប្រចាំថ្ងៃរបស់ពួក គាត់។

ផ្លូវក្រួសក្រហមមួយខ្សែនេះ បាននាំមកនូវស្នាមញញឹម ក្តីរីករាយជាអនេក សម្រាប់ អ្ន កភូមិសង្វាត។ ផ្លូវនេះ ធ្វើឱ្យពួកគាត់លែងជួបការលំបាក លែង ដាច់ បាយ ព្រោះការជាប់ផុងគោយន្តដូចមុនទៀតហើយ។ ផ្លូវនេះ ជួយធ្វើឱ្យពួកគាត់ ចំណេញ ពេលវេលាក្នុងការធ្វើដំណើរ ហើយក៏ចំណេញប្រេង ចាក់គោយន្ត។

ជាមួយនឹងក្តីត្រេកអរទទួលបានផ្លូវធ្វើដំណើរ ប្រជាពលរដ្ឋគោរពថ្លែងអំណរ គុណ សម្តេចតេជោ ហ៊ុន សែន សម្តេចមហាបវរធិបតី ហ៊ុន ម៉ាណែត ដែលតែងតែយកចិត្តទុកដាក់ចំពោះទុក្ខលំបាកប្រជាពលរដ្ឋ។ អ្នកភូមិសង្វាតអរគុណជាពិសេសចំពោះលោកអ្នកឧកញ៉ា ទ្រី ភាព បានជួយសាងសង់ផ្លូវមួយខ្សែនេះជូនពួកគាត់។

សូមបញ្ជាក់ថា បន្ទាប់ពីទទួលបានសេចក្តីទុកចិត្តពីសម្តេចតេជោ ហ៊ុន សែន ប្រធានគណបក្ស ប្រជា ជនកម្ពុជា ចាត់តាំងឱ្យធ្វើជាប្រធានគណៈពង្រឹងការងារ នៅស្រុកប្រាសាទបល្ល័ង្ក ខេត្តកំពង់ធំ លោកអ្នកឧកញ៉ា ទ្រី ភាព បានយកចិត្ត ទុក ដាក់លើការរស់នៅរបស់ប្រជាពលរដ្ឋ។ រយៈពេល ជាង មួយឆ្នាំកន្លងមកនេះ លោកអ្នកឧកញ៉ា ទ្រី ភាព និងក្រុមការងារតែងចុះមកកាន់ស្រុក ប្រាសាទ បល្ល័ង្ក ជាញឹកញាប់ ហើយបានកសាងសមិទ្ធផលមួយចំនួនរួចហើយបំពេញតាម បំណង របស់ ប្រជា ពលរដ្ឋ។ សមិទ្ធផលដែលសម្រេចនោះមានដូចជាការសាងសង់ប៉ុស្តិ៍នគរបាល ការជួស ជុល ស្ពាន ឈើទ្រុឌទ្រោម ការសាងសង់ផ្លូវក្រួសក្រហម និងស្ពានបេឡេឆ្លងស្ទឹង ស្ទោង នៅភូមិ គេន្ទាក ។

បន្ថែមពីលើនោះ លោកអ្នកឧកញ៉ា ក៏បានដាក់ចេញកម្មវិធីឧតប្ថម្ភពលរដ្ឋក្នុង ស្រុកប្រាសាទ បល្ល័ង្ក ដែលមានសមាជិកទទួលមរណភាពនូវថវិកា ២០ម៉ឺន រៀល អង្ករ៥០គីឡូក្រាម ហើយ សម្រាប់ អ្នក រៀប អាពាហ៍ពិពាហ៍ក្នុងមួយគូចង ដៃ១០០ដុល្លារ។ តាមរយៈកម្មវិធី បានផ្សារភ្ជាប់ មនោ សញ្ចេត នា ការស្រឡាញ់ រាប់អាន រវាងលោកអ្នកឧកញ៉ា និងប្រជាពលរដ្ឋនៅស្រុកប្រាសាទ បល្ល័ង្ក ប្រៀបបីដូច ជា គ្រួសារ៕