(បរទេស)៖ កាណាដា សហម្ចាស់ផ្ទះ World Cup 2026 បានឡើងទៅចាំមុននៃវគ្គ ១៦ក្រុមចុងក្រោយ បន្ទាប់ពីទម្លាក់អាហ្វ្រិកខាងត្បូង ១-០ នៅនាទី៩០+២ យប់មិញ។

នេះជាលើកដំបូងសម្រាប់កាណាដាដែលបានឆ្លងផុតវគ្គចែកពូល ៤៨ក្រុម និងបន្តឆ្លងផុតវគ្គ ៣២ក្រុម និងឈានទៅវគ្គ ១៦ក្រុមបន្តទៀតនៃក្រុមស្ថិតនៅតំបន់អាមេរិកខាងជើងមួយនេះ។

ពួកគេត្រូវរង់ចាំក្រុមឈ្នះរវាងមច្ចុរាជទឹកក្រូចហូឡង់ នៅអឺរ៉ុប ឬក៏ម៉ារ៉ុក មកពីអាហ្វ្រិក ដើម្បីប្រជែងកៅអីវគ្គ ៨ក្រុមជាបន្តទៀត។

កាណាដា ក្នុងនាមក្រុមលេខ២ ពូល B បានទម្លាក់គូប្រជែងអាហ្វ្រិកខាងត្បូង ក្រុមលេខ២ ដែលចេញមកពីពូល A ក្នុងការយកឈ្នះត្រឹម ១ទល់នឹង០ ក្នុងម៉ោងធម្មតា ៩០នាទី ស្ថិតក្នុងទីក្រុង Los Angeles សហរដ្ឋអាមេរិក៕