(បរទេស)៖ ១៦ក្រុមដែលត្រូវជិះយន្តហោះត្រឡប់មកផ្ទះវិញ ក្រោយលេង ៣ប្រកួតក្នុងពូលនីមួយៗចាប់ពីថ្ងៃទី១១ ដល់ថ្ងៃទី២៨ ខែមិថុនា ឆ្នាំ២០២៦ នៃព្រឹត្តិការណ៍បាល់ទាត់ពិភពលោក FIFA World Cup 2026 ឃើញថា ក្រុមតំណាងលេងតំណាងតំបន់អាស៊ី AFC មានដល់ទៅ ៧ក្រុមច្រើនជាងគេ។

តំបន់អាស៊ី ដែលមាន ៩ក្រុមបានឆ្លងកាត់នៃវគ្គជម្រុះក្នុងតំបន់ ដើម្បីឡើងទៅលេងជុំចុងក្រោយវគ្គចែកពូលនៃ World Cup ជំនាន់ទី២៣ នៅសហរដ្ឋអាមេរិក មិចស៊ិក និងកាណាដា ធ្វើម្ចាស់ផ្ទះរួមគ្នា និងមាន ៤៨ប្រទេសចូលរួមលើកដំបូងផងនោះ មានតែជប៉ុន និងអូស្រ្តាលីប៉ុណ្ណោះដែលបានឆ្លងផុតពូល និងឈានទៅវគ្គ ៣២ក្រុម។

៧ក្រុមជ្រុះចេញពីវគ្គសន្សំពិន្ទុតាមពូលរួមមាន កាតា អារ៉ាប៊ីសាអូឌីត អ៉ីរ៉ាក់ អ៉ីរ៉ង់ ហ្ស៊កដានី អ៊ូសបេគីស្ថាន និងកូរ៉េខាងត្បូង។

៩ក្រុមផ្សេងទៀតមកពីតំបន់អូសេអានីគឺ ណូវែលហ្សេឡង់ និងអ៊ុយរូហ្គាយ មកពីតំបន់អាមេរិកឡាទីន រួមទាំងហៃទី កូរ៉ាសៅ និងប៉ាណាម៉ា មកពីតំបន់អាមេរិកខាងជើង និង ៣ក្រុមនៅអឺរ៉ុបរួមមាន ស្កុតឡេន តួកគីយ៉េ និងសាធារណរដ្ឋឆេក និងទុយនេស៊ី ជាក្រុមតែ ១គត់ដែលបានហាលអាវ ក្រុមមកពីតំបន់អាហ្រ្វិក។

គួរបញ្ជាក់ផងថា ១ប្រកួតបើកឆាកវគ្គចាញ់-ធ្លាក់ ៣២ក្រុមចុងក្រោយ World Cup 2026 អាហ្រ្វិកខាងត្បូង ក្រុមមកពីតំបន់អាហ្រ្វិកទី២ ក៏បានត្រឡប់ទៅផ្ទះវិញដែរ ក្រោយចាញ់សហម្ចាស់ផ្ទះ កាណាដា ១-០ ចុងម៉ោងយប់មិញ ប្រកួតនៅសហរដ្ឋអាមេរិក៕