(តាកែវ)៖ អភិបាលរងខេត្តតាកែវ លោក ស៊ុត ខុន បានលើកឡើងពីសារៈសំខាន់ នៃកិច្ចសហការការរវាងអង្គការមិនមែនរដ្ឋាភិបាល សមាគម និងសហគម ដែលកំពុងធ្វើសកម្មភាពនៅក្នុងខេត្តតាកែវ បានជួយលើកកម្ពស់សុខាមាភាពប្រជាពលរដ្ឋនៅក្នុងខេត្តតាកែវ បានល្អប្រសើរមួយកម្រិត។

ថ្លែងនៅក្នុងឱកាសអញ្ជើញចូលរួមសិក្ខាសាលា ស្ដីពីការបង្កើត និងចុះបញ្ជីបរធនបាលកិច្ច អនុលោមតាមច្បាប់ និងបទបញ្ញាត្តិពាក់ព័ន្ធ ក្នុងវិស័យបរធនបាលកិច្ច ដល់តំណាងមន្ទីរអង្គភាព អង្គការ សមាគមទូទាំងខេត្តតាកែ វនៅព្រឹកថ្ងៃទី២៩ ខែមិថុនា ឆ្នាំ២០២៦នេះ លោក ស៊ុត ខុន អភិបាលរងខេត្តតាកែវ បានអះអាងថា រាជរដ្ឋាភិបាលកម្ពុជា បានទទួលស្គាល់ និងគាំទ្រយ៉ាងពេញទំហឹង ចំពោះកិច្ចសហការពីសំណាក់អង្គការសង្គមស៊ីវិល សមាគម និងសហគមន៍ ដោយចាត់ទុកថា ជាដៃគូមិនអាចខ្វះបានក្នុងការអភិវឌ្ឍសេដ្ឋកិច្ច-សង្គម និងលើកកម្ពស់សុខុមាលភាពប្រពលរដ្ឋនៅគ្រប់ទិសទី។

លោកអភិបាលរងខេត្តតាកែវ បានបន្ថែមថា អង្គការសង្គមស៊ីវិល សមាគម និងសហគមន៍ ក៏បានរួមចំណែកក្នុងការតស៊ូមតិដើម្បីលើកកម្ពស់សុខភាព ការអប់រំ អភិបាលកិច្ច សិទ្ធិមនុស្ស ប្រព័ន្ធយុត្តិធម៌ ច្បាប់ សេវាសង្គម បរិស្ថាន សុខុមាលភាពស្ត្រី និងកុមារជាដើម។

បើតាមលោក ស៊ុត ខុន គិតត្រឹមដើមឆ្នាំ២០២៦នេះ នៅក្នុងភូមិសាស្ត្រខេត្តតាកែវ មានអង្គការមិនមែនរដ្ឋាភិបាល សមាគម និងសហគម ដែលកំពុងធ្វើសកម្មភាព សរុបចំនួន២០០ អង្គការ សមាគម ក្នុងនោះមានអង្គការមិនមែនរដ្ឋាភិបាលចំនួន៩០ សមាគមចំនួន៣១ សហគមចំនួន៧៣ មូលនិធិ និងគម្រោងផ្សេងៗ ចំនួន៦៕