(ភ្នំពេញ )៖ បន្ទាប់ពីទទួលបានគោលការណ៍អនុញ្ញាតដ៏ខ្ពង់ខ្ពស់របស់រាជរដ្ឋាភិបាលកម្ពុជា ក្រសួងមហាផ្ទៃបានរៀបចំធ្វើជាម្ចាស់ផ្ទះកិច្ចប្រជុំថ្នាក់រដ្ឋមន្ត្រីលើកទី២ដោយមានការអញ្ជើញចូលរួមពីអភិសន្តិបណ្ឌិត ស សុខាឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ និងជាប្រធានកិច្ចប្រជុំ ឧត្តមសេនីយ៍ឯក វ៉ាន់ថងកងម៉ានី រដ្ឋមន្ត្រីក្រសួងសន្តិសុសាធារណៈនៃសាធារណរដ្ឋប្រជាធិបតេយ្យប្រជាមានិតឡាវ និងឧត្តមសេនីយ៍ឯក លឿង តាមក្វាង សមាជិកការិយាល័យនយោបាយនិងជារដ្ឋមន្ត្រីក្រសួងនគរបាលនៃសាធារណរដ្ឋសង្គមនិយមវៀតណាមដែលបានប្រព្រឹត្តទៅនាថ្ងៃទី៣០
ខែមិថុនាឆ្នាំ២០២៦នៅទីស្ដីការក្រសួងមហាផ្ទៃ។

លោកអភិសន្តិបណ្ឌិតសសុខាបានចាត់ទុកវត្តមានដ៏ឧត្តុង្គឧត្តមរបស់រដ្ឋមន្ត្រីទាំងពីរព្រមទាំងគណៈប្រតិភូជាន់ខ្ពស់ក្នុងឱកាសនៃការចូលរួមកិច្ចប្រជុំនេះគឺស្តែងឱ្យឃើញនូវការយកចិត្តទុកដាក់ខ្ពស់ចំពោះទំនាក់ទំនងនិងកិច្ចសហប្រតិបត្តិការរវាងក្រសួងទាំងបីដែលត្រូវបានបន្តពូនជ្រំអស់រយៈពេលជាច្រើនទសវត្សរ៍ហើយក៏ជាកម្លាំងជំរុញទឹកចិត្តយ៉ាងខ្លាំងក្លាក្នុងការបន្តរក្សានូវប្រពៃណីនៃទំនាក់ទំនងដ៏ល្អនិងជិតស្និទ្ធរវាងភាគីទាំងបីក្នុងបុព្វហេតុរួមនៃសុខសន្តិភាពស្ថិរភាពនិងការអភិវឌ្ឍសម្រាប់សង្គមជាតិនិងប្រជាជននៃប្រទេសទាំងបីកម្ពុជា-ឡាវ-វៀតណាម។

ក្នុងឱកាស នោះដែរ លោកអភិសន្តិបណ្ឌិតសសុខា,ឧត្តមសេនីយ៍ឯក វ៉ាន់ថង កងម៉ានី និងឧត្តមសេនីយ៍ឯក លឿង តាមក្វាងបានសម្ដែងការអបអរសាទរនិងគាំទ្រយ៉ាងពេញទំហឹងនិងវាយតម្លៃខ្ពស់ចំពោះលទ្ធផលនៃជំនួបកំពូលរវាងប្រមុខគណបក្សដឹកនាំរដ្ឋាភិបាលនិងជំនួបជាបន្តបន្ទាប់រវាងប្រមុខរដ្ឋាភិបាលនៃប្រទេសទាំងបីក្នុងឆ្នាំ២០២៥និង២០២៦ ដែលបានឯកភាពពង្រឹងពង្រីកនូវចំណងមិត្តភាពនិងកិច្ចសហប្រតិបត្តិការគ្រប់ជ្រុងជ្រោយឈរលើស្មារតីភាពជាអ្នកជិតខាងល្អសាមគ្គីភាពនិងការយោគយល់គ្នាដើម្បីផលប្រយោជន៍ទៅវិញទៅមកសម្រាប់ជាតិនិងប្រជាជននៃប្រទេសទាំងបី។

សូមអានលទ្ធផលលម្អិតដូចទៅ៖