(ភ្នំពេញ)៖ លោក គង់ ផល្លៈ រដ្ឋលេខាធិការក្រសួងប្រៃសណីយ៍ និងទូរគមនាគមន៍ (ក.ប.ទ.) បានអញ្ជើញដឹកនាំកិច្ចប្រជុំពិភាក្សា ពាក់ព័ន្ធនឹងគម្រោង Partnership for Infrastructure (P4I) ដំណាក់កាលទី២ នៅទីស្តីការ ក.ប.ទ.។

កិច្ចប្រជុំនេះ ដោយការចូលរួមពីតំណាងស្ថាតទូតអូស្រ្តាលីប្រចាំនៅកម្ពុជា ក្រុមការងារគម្រោង P4I ក្រុមការងារនីតិកម្មនៃ ក.ប.ទ. និងក្រុមការងារនិយ័តករទូរគមនាគមន៍កម្ពុជា នៅថ្ងៃទី២៩ ខែមិថុនា ឆ្នាំ២០២៦។

កិច្ចប្រជុំនេះ បានពិភាក្សាលើការចែករំលែក និងផ្លាស់ប្តូរបទពិសោធន៍នៃការអនុវត្តគម្រោង P4I ដំណាក់កាលទី១ ក្នុងនោះ​ មានការរៀបចំសេចក្តីព្រាងច្បាប់ ស្តីពីសន្តិសាយប័រ លិខិត បទដ្ឋានគតិយុត្ត ពាក់ព័ន្ធនឹងការគ្រប់គ្រងវិសាលគមន៍ហ្រ្វេកង់វិទ្យុស៍ និងខ្សែកាបក្រោមបាតសមុទ្រ ព្រមទាំងបានពិភាក្សា អំពីសកម្មភាពអាទិភាពសម្រាប់ការអនុវត្តគម្រោង P4I ដំណាក់កាលទី២ ក្រោមជំនួយរបស់រដ្ឋាភិបាលអូស្ត្រាលី៕\