(ភ្នំពេញ)៖ កម្មវិធីផ្ញើសារ និងទំនាក់ទំនងឈានមុខគេដំបូងបង្អស់របស់កម្ពុជា CoolApp បានធ្វើការប្រកាសដាក់ឱ្យប្រើប្រាស់ជាផ្លូវការនូវកំណែទម្រង់ថ្មីចុងក្រោយគឺ Android version 33 សម្រាប់ប្រព័ន្ធប្រតិបត្តិការនៅក្នុងកម្មវិធី Google Play ហើយ។ ការធ្វើបច្ចុប្បន្នភាពលើកនេះ ត្រូវបានសម្រិតសម្រាំងយ៉ាងយកចិត្តទុកដាក់ ដើម្បីលើកកម្ពស់បទពិសោធន៍របស់អ្នកប្រើប្រាស់ឱ្យកាន់តែមានភាពរលូន រហ័សទាន់ចិត្ត និងសម្បូរបែបជាងមុន។

សម្រាប់កំណែទម្រង់នេះបានផ្តោតសំខាន់ទៅលើការកែកម្អមុខងារស្នូល និងការបង្កើនភាពងាយស្រួលសម្រាប់អ្នកប្រើប្រាស់ ក៏ដូចជាម្ចាស់ឆានែល (Channel Owners) ផងដែរ រួមមាន៖

* កែលម្អរូបរាង QR កូដរបស់ Channel កាន់តែស្រស់ស្អាត៖ ផ្ទាំងកូដ QR សម្រាប់ចែករំលែក ឬទាក់ទាញអ្នកគាំទ្រឱ្យចូលរួមក្នុង Channel ត្រូវបានរចនាឡើងវិញយ៉ាងផ្ចិតផ្ចង់ មានភាពទាក់ទាញ ទំនើប និងមានស្តង់ដារសោភ័ណភាពខ្ពស់ជាងមុន។

* មុខងារ Streaming វីដេអូកាន់តែរលូន៖ ការទស្សនាវីដេអូនៅក្នុងកម្មវិធី ត្រូវបានបង្កើនល្បឿន និងកាត់បន្ថយការរអាក់រអួល (Buffering) ធ្វើឱ្យការទស្សនាមានភាពរលូន។

* ពង្រីកការសរសេរ Caption របស់ Channel បានវែងជាងមុន៖ នេះជាដំណឹងដ៏រីករាយសម្រាប់អ្នកបង្កើតមាតិកា (Content Creators) ដោយសារតែនៅក្នុងកំណែទម្រង់ថ្មីនេះ លោកអ្នកអាចសរសេរអត្ថបទពិពណ៌នា ឬព័ត៌មានលម្អិត (Caption) អមជាមួយរូបភាព ឬវីដេអូនៅក្នុង Channel បានវែង និងក្បោះក្បាយជាងមុន មិនចង្អៀតដូចកំណែទម្រង់ចាស់ឡើយ៕

Please download:
https://downloads.coolapp.com.kh