ក្រសួងសុខាភិបាល រកឃើញវិជ្ជមានជាថ្មីជំងឺកូវីដ១៩ ប្រភេទអូរមីក្រុង និងអំពាវនាវពលរដ្ឋបន្ដទៅចាក់វ៉ាក់សាំងដូសជំរុញ (Video inside)
03-07-2026 14:53
(ភ្នំពេញ)៖ ក្រសួងសុខាភិបាល នៅថ្ងៃទី២ ខែកក្កដា ឆ្នាំ២០២៦ បានរកឃើញករណីវិជ្ជមានជំងឺកូវីដ១៩ជាថ្មី ប្រភេទអូរមីក្រុង ដែលអ្នកជំងឺនៅខេត្តស្វាយរៀង, ស្ទឹងត្រែង, រាជធានីភ្នំពេញ និងខេត្តតាកែវ។
មន្ដ្រីជាន់ខ្ពស់ក្រសួងសុខាភិបាល តាមរយៈបណ្ដាញព័ត៌មាន Fresh News នៅថ្ងៃទី៣ ខែកក្កដា ឆ្នាំ២០២៦នេះ បានឲ្យដឹងថា លទ្ធផលដែលបានរកឃើញនេះ ពិនិត្យដោយវិទ្យាស្ថានសុខភាពសាធារណ: ក្នុងចំណោម២៤សំណាក គឺបានរកឃើញវិជ្ជមានចំនួន៦ករណី រួមមាន៖
* ខេត្តស្វាយរៀង ចំនួន២ករណី
* ខេត្តស្ទឹងត្រែង ចំនួន១ករណី
* រាជធានីភ្នំពេញ ចំនួន២ករណី
* ខេត្តតាកែវ ចំនួន១ករណី។
ជាមួយគ្នានេះ មន្ដ្រីជាន់ខ្ពស់ដដែលក៏បានអំពាវនាវដល់ប្រជាពលរដ្ឋ ពិសេសចាស់ជរា និងអ្នកដែលមានសុខភាពខ្សោយ ត្រូវបន្ដទៅចាក់វ៉ាក់សាំងបង្ការជំងឺកូវីដ១៩ ដូសជំរុញឲ្យបានគ្រប់គ្រង ដើម្បីកាត់បន្ថយស្ថានភាពធ្ងន់ធ្ងរ នៃការវាយប្រហារដោយជំងឺនេះជាថ្មី៕
