(សៀមរាប)៖ ការប្រកាសចូលកាន់មុខតំណែង អភិបាលរង នៃគណៈអភិបាលខេត្តសៀមរាប បានប្រព្រឹត្តទៅក្រោមអធិបតីភាព លោក អ៊ុំ ម៉ារ៉ា រដ្ឋលេខាធិការ ក្រសួងមហាផ្ទៃ និងជាតំណាង ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ និងវត្តមានចូលរួមពី លោក​ លី​ សំរិទ្ធ​ ប្រធានក្រុមប្រឹក្សាខេត្ត​ និងលោក ប្រាក់​ សោភ័ណ​ អភិបាល​ នៃគណៈអភិបាលខេត្ត នារសៀលថ្ងៃទី៣ ខែកក្កដា ឆ្នាំ២០២៦នេះ នៅសាលាប្រជុំខេត្តសៀមរាប។

ពិធីនេះ ក៏មានការអញ្ជើញចូលរួមពី លោកអនុរដ្ឋលេខាធិការ ក្រសួងមហាផ្ទៃ តំណាងអង្គភាពចំណុះក្រសួងមហាផ្ទៃ ប្រធានក្រុមប្រឹក្សាខេត្ត អភិបាលខេត្ត ថ្នាក់ដឹកនាំខេត្ត ប្រធានមន្ទីរអង្គភាពជុំវិញខេត្ត អភិបាលក្រុង ស្រុក មេឃុំ ចៅសង្កាត់ មន្រ្តីរាជការ និងកងកម្លាំងប្រដាប់អាវុធផងដែរ។

សូមជម្រាបជូនដែរថា ពិធីប្រកាសមុខតំណែងអភិបាលរងខេត្តនេះ ត្រូវបានរៀបចំឡើងក្នុងការផ្ទេរភារកិច្ច លោក ព្រឹម រដ្ឋា ពីអភិបាលរងនៃគណៈអភិបាលខេត្តកំពង់ធំ ឱ្យទៅកាន់មុខតំណែងជាអភិបាលរងនៃគណៈអភិបាលខេត្តសៀមរាបជំនួសលោក នាក់ ណេរ៉ុន៕