(បរទេស)៖ កូឡុំប៊ី ជាក្រុមចុងក្រោយគេកក់កៅអីឡើងទៅវគ្គ ១៦ក្រុមនៃ FIFA World Cup 2026 បន្ទាប់ពីយកឈ្នះគូប្រជែងមកពីតំបន់អាហ្រ្វិក ហ្គាណា ដោយលទ្ធផល ១-០ បញ្ចប់វគ្គ ៣២ក្រុមនាព្រឹកថ្ងៃសៅរ៍ ទី០៤ ខែកក្កដានេះ (ម៉ោងនៅកម្ពុជា)។

ពួកគេត្រូវឡើងទៅប៉ះក្រុមនៅតំបន់អឺរ៉ុប ស្វីស ដែលបានបញ្ជូនអាល់ហ្សេរីទៅផ្ទះវិញ ក្រោយបំបាក់ ២ទល់នឹង០ កាលពីម្សិលមិញនៅវគ្គចាញ់-ធ្លាក់នេះដែរ។

កូឡុំប៊ី ដែលមានខ្សែប្រយុទ្ធ James Rodriguez ឈ្នះស្បែកជើងមាស Golden Boot កាលពី World Cup 2014 នៅប្រទេសប្រេស៊ីល បានក្លាយជាក្រុមទី៤ ចេញពីតំបន់អាមេរិកឡាទីន ដែលបានឆ្លងចូលវគ្គ ១៦ក្រុមនៅ World Cup ដែលរៀបចំនៅសហរដ្ឋអាមេរិក មិចស៊ិក និងកាណាដា ធ្វើម្ចាស់ផ្ទះរួមគ្នា បន្ទាប់ប៉ារ៉ាហ្គាយ ប្រេស៊ីល និងម្ចាស់ការពារតំណែងឯក អាហ្សង់ទីន បានឆ្លងផុតវគ្គ ៣២ក្រុមដែរនោះ។

ប៉ារ៉ាហ្គាយ (ឡាទីន) ប៉ះ បារាំង (អឺរ៉ុប)

ប្រេស៊ីល (ឡាទីន) ប៉ះ ន័រវេស (អឺរ៉ុប)

កាណាដា (អាមេរិកខាងជើង) ប៉ះ ម៉ារ៉ុក (អាហ្រ្វិក)

មិចស៊ិក (អាមេរិកខាងជើង) ប៉ះ អង់គ្លេស (អឺរ៉ុប)

អាមេរិក (អាមេរិកខាងជើង) ប៉ះ ប៊ែលហ្សិក (អឺរ៉ុប)

កូឡុំប៊ី (ឡាទីន) ប៉ះ ស្វីស (អឺរ៉ុប)

អាហ្សង់ទីន (ឡាទីន) ប៉ះ អេហ្ស៊ីប (អាហ្រ្វិក)

អេស្ប៉ាញ (អឺរ៉ុប) ប៉ះ ព័រទុយហ្គាល់ (អឺរ៉ុប)៕