(កានស៊ូ)៖ តំណាងបណ្តាញព័ត៌មាន Fresh News និងក្រុមបេតិកភណ្ឌវប្បធម៌ ចិន–អាស៊ាន នៅល្ងាចថ្ងៃទី៣ ខែកក្កដា ឆ្នាំ២០២៦ បានទស្សនកិច្ច «ភ្នំខ្សាច់ប្រគំតន្ត្រី» និង «បឹងអឌ្ឍព្រះចន្ទនិទាឃរដូវ» នៅក្រុងតុនហ័ង ខេត្តកានស៊ូ។

គួរជម្រាបថា តបតាមការអញ្ជើញរបស់មជ្ឈមណ្ឌលបោះពុម្ពផ្សាយអន្តរជាតិចិន (China International Publishing Center – CIPC) លោកអគ្គនាយក លឹម ជាវុត្ថា បានចាត់តាំងលោកនិពន្ធនាយករង កែវ ពិសិដ្ឋ ទៅទស្សនកិច្ច នៅក្រុងតុនហ័ង ចាប់ពីថ្ងៃទី១ ដល់ថ្ងៃទី៥ ខែកក្កដា ឆ្នាំ២០២៦។

ក្រោមប្រធានបទ «បេតិកភណ្ឌស្ថិតស្ថេរ សម្រស់រួមសម្រាប់មនុស្សទាំងអស់» (Enduring Heritage, Shared Beauty for All) ព្រឹត្តិការណ៍នេះ បានប្រមូលផ្តុំតំណាងមកពីអង្គការអន្តរជាតិ អ្នកការទូតអាស៊ាន អ្នកប្រាជ្ញ ស្ថាប័នស្រាវជ្រាវ (Think Tanks) ស្ថាប័នសារព័ត៌មាន និងអ្នកដឹកនាំក្នុងវិស័យពាក់ព័ន្ធ៕