(បរទេស)៖ មាន់គកបារាំង ក្រុមរងជើងឯក World Cup 2022 ឡើងទៅប៉ះម៉ារ៉ុក នៃវគ្គ ៨ក្រុមជាបន្តទៀត ក្រោយទម្លាក់ប៉ារ៉ាហ្គាយ ១-០ យប់មិញពីវគ្គ ៣២ក្រុម។

១គ្រាប់ជ័យជម្នះធ្វើបានដោយខ្សែប្រយុទ្ធ Kylian Mbappe ដោយបាល់ពិន័យប៉េណាល់ទីនៅនាទី៧០ និងជាគ្រាប់ទី៧ ស្មើនឹង Lionel Messi ក្នុង World Cup លើកទី២៣ នេះដែរ។

ប៉ារ៉ាហ្គាយ ដែលបានទម្លាក់ជើងខ្លាំងឥន្រ្ទដែកអាល្លឺម៉ង់ដោយប៉េណាល់ទីកាត់សេចក្តី គឺជាក្រុមដំបូងគេមកពីតំបន់អាមេរិកឡាទីន ដែលបានជ្រុះចេញពី World Cup 2026 ត្រឹមវគ្គ ១៦ក្រុម។

ចំណែកឯម៉ារ៉ុក ដែលជាប់លេខ៤ កាល World Cup ៤ឆ្នាំមុននៅកាតា បានទម្លាក់សហម្ចាស់ផ្ទះកាណាដាដោយស្រួល តាមរយៈបំបាក់ ៣ទល់នឹង០ ពីក្នុងវគ្គ ១៦ក្រុម។

ក្រុមប្រទេសនៅតំបន់អាមេរិកខាងជើង ដោយបានឆ្លងមកវគ្គចាញ់-ធ្លាក់ ក្រោយទម្លាក់អាហ្វ្រិកខាងត្បូង ១-០ ចុងម៉ោងនៃវគ្គ ៣២ក្រុមនោះ បានក្លាយជាម្ចាស់ផ្ទះដំបូងគេហាលអាវពី World Cup 2026 លើកលែងតែមិចស៊ិក និងសហរដ្ឋអាមេរិកមិនទាន់ប្រកួត៕