ជម្លោះដ៏រុំារ៉ៃ និងសាំញុំារវាងម្ចាស់ភាគហ៊ុនសាលាបញ្ញាសាស្រ្តអន្តរជាតិ សាខាទី៥, ភាគីក្រុមលោក សេង ឧត្តម ចូលគ្រប់គ្រងអគារសាលា ចំណែកភាគីលោកស្រី កុល ចិន្តា អំពាវនាវឱ្យអាជ្ញាធរ និងថ្នាក់ដឹកនាំជួយអន្តរាគមន៍
05-07-2026 10:34
(ភ្នំពេញ)៖ ជម្លោះភាគហ៊ុនដ៏រុំារ៉ៃ និងសាំញុំារបស់ម្ចាស់ភាគហ៊ុនសាលាបញ្ញាសាស្រ្តអន្តរជាតិ សាខាទី៥ (ចំការដូង) មិនទាន់បានដោះស្រាយចេញនៅឡើយទេ បើទោះបីភាគីទាំងពីរបានប្តឹងផ្តល់គ្នាដល់ក្នុងប្រព័ន្ធតុលាការក្តី តែសកម្មភាពផ្សេងៗត្រូវបានកើតឡើងជាញឹកញយ ដោយមិនចាំដល់ការសម្រេចរបស់តុលាការឡើយ។
សម្រាប់ការចូលកាន់កាប់នេះ ត្រូវបានលោកស្រី កុល ចិន្តា ដែលអះអាងថា ជាគណៈគ្រប់គ្រងសាលា បានអំពាវនាវសុំអន្តរាគមន៍ពីអាជ្ញាធរខណ្ឌពោធិ៍សែនជ័យ និងថ្នាក់ដឹកនាំ ដើម្បីផ្តល់យុត្តិធម៌ឱ្យខ្លួន ចំពោះអំពើចូលកាន់កាប់អគារយ៉ាងកំរោលនេះ។
ដោយឡែកលោក សេង ឧត្តម បានបញ្ជាក់លើកបណ្តាញហ្វេសប៊ុករបស់ខ្លួនថា នៅថ្ងៃទី៤ ខែកក្កដា ឆ្នាំ២០២៦ ខ្លួនដែលជាម្ចាស់កម្មសិទ្ធិប្លង់រឹងស្របច្បាប់ និងក្រុមម្ចាស់ភាគហ៊ុន៩០% បានចូលគ្រប់គ្រងអគារសាលាសាខាទី៥ ដោយជោគជ័យ ដោយយកអគារមកវិញហើយ ដោយសន្តិវិធី។
លោក សេង ឧត្តម ឱ្យបុគ្គលិក និងអាណាព្យាបាលសិស្ស ដែលបានខាតបង់ផលប្រយោជន៍ដោយសារលោកស្រី កុល ចិន្តា និងលោក ហ៉ីម ហុកលេង សូមផ្តល់ព័ត៌មានមក ដើម្បីផ្ទៀងផ្ទាត់ និងរកដំណោះស្រាយ។
វិដេអូអំពាវនាវរកអន្តរាគមន៍របស់លោកស្រី កុល ចិន្តា ហើយបណ្តាញព័ត៌មាន Fresh News នឹងរង់ចាំការបំភ្លឺពីក្រុមលោក សេង ឧត្តម ផងដែរ៕
