(ភ្នំពេញ)៖ ត្រៀមខ្លួនហើយឬនៅប្អូនៗសិស្សថ្នាក់ទី១២? សល់រយៈពេលប្រហែល១ខែ​ទៀត​ប៉ុណ្ណោះ ការប្រឡងបាក់ឌុបប្រចាំឆ្នាំ២០២៦នឹងឈានចូលមកដល់ហើយ។ ការប្រលងនឹង​ប្រព្រឹត្ត​ទៅ​នៅថ្ងៃទី១០ ខែសីហា ឆ្នាំ​២០២៦ខាងមុខនេះ។

ដើម្បីជួយសម្រាលក្តីបារម្ភ និងតម្រង់ទិសដៅសិក្សាចុងក្រោយឱ្យចំគោលដៅ សមាគម អ.ម.ត នាំមកជូននូវវីដេអូចែករំលែកបទពិសោធន៍យ៉ាងលម្អិតពី កញ្ញា ឆេង រ៉ូហ្សា ដែលជាអតីត​សិស្សជ័យលាភីនិទ្ទេស A ថ្នាក់វិទ្យាសាស្ត្រសង្គម និងជានិសិ្សតអាហារូបករណ៍របស់សម្តេច​តេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត)។

នៅក្នុងវីដេអូមួយនេះ ប្អូនៗនឹងទទួលបានចំណេះដឹង និងយុទ្ធសាស្ត្រសំខាន់ៗដូចជា៖

💡 រូបមន្ត 70/30៖ របៀបបែងចែកពេលវេលារវាងការធ្វើវិញ្ញាសាចាស់ៗ និងការពង្រឹងចំណុចខ្សោយ។

📐 យុទ្ធសាស្ត្រថ្នាក់សង្គម៖ ហេតុអ្វីមិនគួរដកដៃ ឬបោះបង់ចោលមុខវិជ្ជាគណិតវិទ្យា?

💖 ដំណើរការរក្សាផ្លូវចិត្ត៖ របៀបបំប្លែងសម្ពាធ និងការនឿយហត់ ឱ្យទៅជាកម្លាំងចិត្តដើម្បី​ធ្វើឱ្យប៉ាម៉ាក់មានមោទនភាព។

❌ ការបញ្ចៀសកំហុស៖ អ្វីដែលគួរធ្វើ និងមិនគួរធ្វើនៅក្នុងបន្ទប់ប្រឡង។

សូមទស្សនាវីដេអូពេញនេះឱ្យចប់ ហើយកុំភ្លេចកត់ត្រាចំណុចសំខាន់ៗយកទៅអនុវត្តផ្ទាល់​ខ្លួន។ សមាគម អ.ម.ត ជូនពរប្អូនៗសិស្សានុសិស្សទាំងអស់ឱ្យទទួលបានជោគជ័យ និងទទួលបាននិទ្ទេសល្អៗគ្រប់ៗគ្នា៕