(ភ្នំពេញ)៖ លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជជីវៈ នៅថ្ងៃទី៥ ខែកក្កដា ឆ្នាំ២០២៦ បានមានប្រសាសន៍ថា ការធ្វើតេស្តទទួលស្គាល់ជំនាញដែលមានពីមុន ផ្ដល់អត្ថប្រយោជន៍ និងឱកាសការងារមានប្រាក់ចំណូលបន្ថែមជូនអតីតពលករ។

ការតេស្តទទួលស្គាល់ជំនាញពីមុន (RPL) របស់ក្រសួងការងារ គឺជាកម្មវិធីមួយដែលរៀបចំឡើងដោយ ក្រសួងការងារ និងបណ្តុះបណ្តាលវិជ្ជាជីវៈ ដើម្បីទទួលស្គាល់ចំណេះដឹង ជំនាញ និងបទពិសោធន៍ការងារដែលមានស្រាប់របស់បេក្ខជន ឱ្យក្លាយជា វិញ្ញាបនបត្រជាតិផ្លូវការ។ កម្មវិធីនេះមានគោលបំណងសំខាន់ក្នុងការបង្កើនឱកាសការងារ និងលើកកម្ពស់ប្រាក់ចំណូលសម្រាប់អតីតពលករខ្មែរ ជាពិសេសអ្នកដែលបានត្រឡប់មកពីប្រទេសថៃ និងធ្លាប់មានបទពិសោធន៍ការងារ។

តាមរយៈការធ្វើតេស្ត RPL អតីតពលករអាចបំប្លែងបទពិសោធន៍ការងាររបស់ពួកគេទៅជាលិខិតបញ្ជាក់ជំនាញផ្លូវការ ដែលអាចប្រើប្រាស់ក្នុងការស្វែងរកការងារល្អប្រសើរ និងទទួលបានប្រាក់ឈ្នួលខ្ពស់។ បច្ចុប្បន្ន មានជំនាញក្នុងវិស័យសំណង់ចំនួន ៨ មុខជំនាញត្រូវបានទទួលស្គាល់ជាផ្លូវការសម្រាប់ធ្វើតេស្ត RPL នេះ។ ការចុះឈ្មោះធ្វើតេស្តគឺ ឥតគិតថ្លៃ ដោយរាជរដ្ឋាភិបាលជាអ្នកបង់ថ្លៃជំនួស។

អតីតពលករអាចចុះឈ្មោះធ្វើតេស្ត RPL បានតាម ៤ វិធី រួមមាន៖ ចុះឈ្មោះដោយផ្ទាល់នៅមជ្ឈមណ្ឌលវាយតម្លៃសមត្ថភាពទាំង ៩ កន្លែង ឬចុះឈ្មោះតាមប្រព័ន្ធអនឡាញតាមអាសយដ្ឋាន https://erpl.mlvt.gov.kh។ កម្មវិធី RPL នេះត្រូវបានចាត់ទុកថាជាវិធានការសំខាន់មួយរបស់រាជរដ្ឋាភិបាលក្នុងការជួយអតីតពលករឱ្យមានឯកសារបញ្ជាក់សមត្ថភាពការងារពិតប្រាកដ និងងាយស្រួលរកការងារធ្វើ ដើម្បីលើកស្ទួយសេដ្ឋកិច្ចជាតិ និងគ្រួសារ៕