(ព្រះសីហនុ)៖ ដើម្បីជំរុញ លើកកម្ពស់ និងដោះស្រាយបញ្ហាមួយចំនួនសម្រាប់អ្នកវិនិយោគក្នុងតំបន់សេដ្ឋកិច្ចពិសេសក្នុងខេត្តនារសៀលថ្ងៃទី៥ ខែកក្កដា ឆ្នាំ២០២៦នេះ លោក ម៉ាង ស៊ីណេត អភិបាលខេត្តព្រះសីហនុ ដឹកនាំក្រុមការងារជំនាញ និងមន្ត្រីពាក់ព័ន្ធ ចុះពិនិត្យវឌ្ឍនភាពនៃការអនុវត្តគម្រោងរបស់ក្រុមហ៊ុន ហ្វាលដិន ឌី អេសអេច ឌីលុបមែន ឯ.ក (Phalden D SH Development Co., Ltd.) ដែលកំពុងដំណើរការអភិវឌ្ឍនៅក្នុងតំបន់សេដ្ឋកិច្ចពិសេស ISI SEZ គម្រោងវិនិយោគទាំងនេះ មានទីតាំងស្ថិតនៅភូមិត្រពាំងគារ និងភូមិត្រពាំងមូល ឃុំជើងគោ ស្រុកព្រៃនប់ ខេត្តព្រះសីហនុ។

បេសកកម្មនេះដ៏យកចិត្តទុកដាក់នាពេលនេះ, លោក ម៉ាង ស៊ីណេត បានសម្តែងនូវការកោតសរសើរចំពោះក្រុមហ៊ុន ហ្វាលដិន ឌី អេសអេច ឌីលុបមែន ឯ.ក ក៏ដូចជាគ្រប់បណ្តាក្រុមហ៊ុន-រោងចក្រទាំងអស់ នៅក្នុងតំបន់សេដ្ឋកិច្ចពិសេស ISI SEZ ដែលបានខិតខំប្រឹងប្រែងជំរុញការអភិវឌ្ឍ និងដំណើរការខ្សែច្រវាក់ផលិតកម្មរបស់ខ្លួនយ៉ាងរលូន។

អភិបាលខេត្តបានលើកឡើងថា ដូច្នេះទៀតថា គម្រោងវិនិយោគទាំងនេះបាននិងកំពុងចូលរួមចំណែកយ៉ាងសំខាន់ក្នុងការបង្កើតឱកាសការងារជូនដល់ប្រជាពលរដ្ឋមូលដ្ឋាន កាត់បន្ថយការចំណាកស្រុក និងលើកកម្ពស់ជីវភាពរស់នៅរបស់ប្រជាជនក្នុងខេត្តព្រះសីហនុ។ ការពង្រីកខ្លួននៃវិស័យឧស្សាហកម្ម សារធាតុគីមី និងសំបកកង់រថយន្តនេះ គឺជាកាតាលីករយ៉ាងសំខាន់ក្នុងការធ្វើសេដ្ឋកិច្ចជាតិ និងបង្កើនទំហំនាំចេញរបស់កម្ពុជា។

ក្នុងជាអភិបាលខេត្តមួយរូប លោកបន្តជំរុញ និងលើកទឹកចិត្តគ្រប់ពេលដល់គ្រប់រោងចក្រទាំងអស់ ត្រូវបន្តយកចិត្តទុកដាក់
លើលក្ខខណ្ឌការងារ សុវត្ថិភាពការងាររបស់កម្មករ-កម្មការិនី និងជាពិសេសត្រូវគោរពតាមបទដ្ឋានបរិស្ថានដើម្បីធានាបាននូវ
ការអភិវឌ្ឍប្រកបដោយចីរភាព។

គូសបញ្ជាក់ថា ក្នុងឱកាសធ្វើទស្សនកិច្ចដោយផ្ទាល់នៅតាមរោងចក្រធំៗចំនួនពីរ ដែលកំពុងមានសកម្មភាពផលិតកម្មយ៉ាង
សកម្មនៅក្នុងតំបន់សេដ្ឋកិច្ចពិសេសនេះរួមមាន៖

*ទី១. រោងចក្រ អរលន់ ហ្សីន អ៉ិនដាសស្ត្រី (ខេមបូឌា) ឯ.ក (ORLON ZINC INDUSTRY (CAMBODIA) CO., LTD.) ជារោងចក្រឈានមុខគេមួយក្នុងការផលិតសារធាតុគីមី (ស័ង្កសីអុកស៊ីត - Zinc Oxide) សម្រាប់ផ្គត់ផ្គង់ទៅតាម
តម្រូវការទីផ្សារ និងឧស្សាហកម្មពាក់ព័ន្ធ។

*ទី២. រោងចក្រ រ៉ូដបូស ថាយអឺ (ខេមបូឌា) ឯ.ក (ROADBOSS TIRE (CAMBODIA) CO., LTD.) ជារោងចក្រខ្នាតធំដែលផលិតសំបកកង់រថយន្ត សម្រាប់ការនាំចេញទៅកាន់ទីផ្សារអន្តរជាតិ៕