(បរទេស)៖ ក្រុមបាល់ទាត់សហរដ្ឋអាមេរិក បានជ្រុះចេញពីព្រឹត្តិការណ៍បាល់ទាត់ពិភពលោក FIFA World Cup 2026 ក្នុងចំណោមម្ចាស់ផ្ទះទាំង៣ ដូចទៅនឹងមិចស៊ិក និងកាណាដាផងដែរ ក្រោយចាញ់ប៊ែលហ្ស៊ិក ៤-១ នាព្រឹកថ្ងៃអង្គារ ទី០៧ ខែកក្កដានេះ (ម៉ោងនៅកម្ពុជា)។

នេះមានន័យថា ក្រុមនៅតំបន់អាមេរិកខាងជើង (Concacaf) សហម្ចាស់ផ្ទះ World Cup ជំនាន់ទី២៣ រួមមាន សហរដ្ឋអាមេរិក មិចស៊ិក និងកាណាដា បានហាលអាវអស់ហើយត្រឹមវគ្គ ១៦ក្រុមតែម្តង។

ក្រុមឈ្នះមកពីតំបន់អឺរ៉ុប (UEFA) បិសាចក្រហមអឺរ៉ុប ប៊ែលហ្ស៊ិក ត្រូវបន្តឡើងវគ្គ ៨ក្រុមទៀត ដោយត្រូវប្រឈមមុខនឹងក្រុមខ្លាំងគោជល់អេស្ប៉ាញ នៅអឺរ៉ុបដូចគ្នា ដែលបានទម្លាក់បច្ចខែលព័រទុយហ្គាល់ ១-០ ចុងម៉ោងនាយប់មិញដែរពីក្នុងវគ្គចាញ់-ធ្លាក់ ១៦ក្រុម៕