(បរទេស)៖ ព្រឹត្តិការណ៍បាល់ទាត់ពិភពលោក FIFA World Cup 2026 មានកំពូលកីឡាករល្បីៗជាច្រើនរូបបានប្រកាសចូលនិវត្តន៍ពីជម្រើស ដើម្បីទុកឱកាសឲ្យក្មេងៗជំនាន់ក្រោយបានបញ្ចេញសមត្ថភាពវិញម្តង។

តើអាចទេ សម្រាប់ព្រឹត្តិការណ៍ជើងឯកអឺរ៉ុប UEFA Euro 2028 និង World Cup 2030 លែងសូវមានការទាក់ទាញដូចមុនទៀត?

ជាការកត់សម្គាល់ផងដែរ ព្រឹត្តិការណ៍បាល់ទាត់ពិភពលោក World Cup ចាប់ពីជំនាន់លោក Diego Maradona របស់អាហ្សង់ទីន និងលោក Pele របស់ប្រេស៊ីល បានញាំងឱ្យវិស័យបាល់ទាត់មានប្រជាប្រិយភាព និងទាក់ទាញកាន់តែខ្លាំងនៅជុំវិញពិភពលោក និងក្រោយមកទៀតមាន Cafu, Ronaldinho, Zidane, Beckham និង Ronaldo បន្តវេនចាប់ពីអំឡុង World Cup 1994 មកដល់ World Cup 2002។

Lionel Messi របស់អាហ្សង់ទីន និង Cristiano Ronaldo របស់ព័រទុយហ្គាល់បានចាប់ផ្តើមរះឡើង និងមានឈ្មោះបោះសំឡេងកាលផ្តើមលេង World Cup លើកដំបូងរបស់ពួកគេក្នុងឆ្នាំ២០០៦ ដែលអាល្លឺម៉ង់ធ្វើម្ចាស់ផ្ទះ។

លុះឈានមកដល់ World Cup 2026 គឺជារជ្ជកាលទី៦ និងលើកចុងក្រោយរបស់កំពូលខ្សែប្រយុទ្ធទាំងពីរ ពីការបង្ហាញខ្លួនលើកចុងក្រោយជាមួយជម្រើសជាតិរបស់ពួកគេរៀងៗខ្លួន រួមទាំងកីឡាករល្បីៗមួយចំនួនទៀត មានដូចខាងក្រោម៖

១៖ Cristiano Ronaldo (ព័រទុយហ្គាល់)

២៖ Lionel Messi (អាហ្សង់ទីន)

៣៖ Neymar (ប្រេស៊ីល)

៤៖ Luis Suarez (អ៊ុយរូហ្គាយ អត់ជាប់ជម្រើសជាតិ)

៥៖ Edin Dzeko (បូស្នៀ)

៦៖ Manuel Neuer (អាល្លឺម៉ង់)

៧៖ Luka Modric (ក្រូអាត)

៨៖ Guillermo Ochoa (មិចស៊ិក)

៩៖ Son Heung-min (កូរ៉េខាងត្បូង កំពុងពិចារណា)

១០៖ Sadio Mane (សេណេហ្គាល់)

១១៖ Mohamed Salah (អេហ្ស៊ីប)៕