(បរទេស)៖ គ្រាប់បាល់ជ័យជម្នះនៅនាទី៩០+២ របស់ខ្សែបម្រើ Enzo Fernandez ជួយអាហ្សង់ទីនយកឈ្នះអេហ្ប៊ីប ៣-២ ដើម្បីឡើងវគ្គ ៨ក្រុមនោះ គឺជាគ្រាប់បាល់ទី៣,០០០ (បីពាន់) នៅក្នុងប្រវត្តិសាស្រ្តព្រឹត្តិការណ៍បាល់ទាត់ជើងឯកពិភពលោក FIFA World Cup ដែលរៀបចំបាន ២៣សម័យកាលមកនេះ។

World Cup ដែលលេងយ៉ាងទៀងទាត់រៀងរាល់ ៤ឆ្នាំម្តង និងអាក់ខាន ២លើកដោយសារសង្រ្គាមលោកលើកទី២ ដោយបានចាប់ផ្តើមដំណើរការលើកដំបូងតាំងពីឆ្នាំ១៩៣០ ក្នុងប្រទេសស្ថិតនៅតំបន់អាមេរិកឡាទីន អ៊ុយរូហ្គាយ ដោយមានតែ ១៣ប្រទេសចូលរួម និងកើនដល់ ៤៨ក្រុមដល់បច្ចុប្បន្ន។

ទោះជាយ៉ាងណា បើយោងតាមទំព័រផ្លូវការ FIFA បានបញ្ជាក់ថា ជំនួបរវាងជប៉ុនដែលបានបំបាក់ទុយនេស៊ី ៤-០ នៃវគ្គ សន្សំពិន្ទុប្រចាំពូល F គឺជាការប្រកួតលើកទី ១,០០០ (មួយពាន់) និងគ្រាប់ទី ៣,០០០ រកបានដោយកីឡាករ Enzo Fernandez នារាត្រីថ្ងៃអង្គារ ទី០៧ ខែកក្កដា ឆ្នាំ២០២៦៕