(បរទេស)៖ បណ្តាក្រុមទាំងឡាយដែលជ្រុះចេញពី World Cup 2026 ត្រឹមវគ្គ ១៦ក្រុម ក៏នឹងទទួលបានប្រាក់រង្វាន់ លើកទឹកចិត្តប្រមាណ ១៦.៥លានដុល្លារសហរដ្ឋអាមេរិកត្រឡប់ទៅផ្ទះវិញផងដែរ។ នេះបើយោងតាមការចេញផ្សាយ ដោយគេហទំព័រ FIFA។

ការប្រកួតប្រជែងនៅ World Cup ជំនាន់ទី២៣ ដែលរៀបចំនៅសហរដ្ឋអាមេរិក មិចស៊ិក និងកាណាដា ធ្វើម្ចាស់ផ្ទះរួមគ្នាចាប់ពីថ្ងៃទី១១ ខែមិថុនាដល់ថ្ងៃទី០៨ ខែកក្កដា ឆ្នាំ២០២៦ នេះបានបញ្ចប់ ៩៦ប្រកួត ក្នុងចំណោម ១០៤ប្រកួត ដោយក្នុងនោះដែរ ក៏បានរកឃើញក្រុមឡើងវគ្គ ៨ក្រុមដែរ។

ក្រុមដែលជ្រុះចេញត្រឹមវគ្គចាញ់-ធ្លាក់ ១៦ក្រុមទាំងនោះរួមមាន ម្ចាស់ផ្ទះទាំង៣ កាណាដា មិចស៊ិក និងអាមេរិក នៅតំបន់អាមេរិកខាងជើង រួមទាំងប៉ារ៉ាហ្គាយ កូឡុំប៊ី និងប្រេស៊ីល មកពីតំបន់អាមេរិកឡាទីន ហើយហ្គាណា និងអេហ្ស៊ីប មកពីអាហ្រ្វិក និងព័រទុយហ្គាល់ តែមួយគត់នៅតំបន់អឺរ៉ុប។

ក្រុមហាលអាវទាំងនេះចាប់ពីលេខ៩-១៦ នឹងទទួលបាន ១៦.៥លានដុល្លារត្រឡប់ទៅផ្ទះវិញដូចៗគ្នា ស្របពេលក្រុមជើងឯកទទួលបាន ៥០លានដុល្លារនៃថ្ងៃប្រកួតវគ្គផ្តាច់ព្រ័ត្រថ្ងៃទី១៩ ខែកក្កដា ឆ្នាំ២០២៦ នៅទឹកដីសហរដ្ឋអាមេរិក៕