(ភ្នំពេញ)៖ លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី៨ ខែកក្កដា ឆ្នាំ២០២៦ បានប្រាប់អង្គភាពសារព័ត៌មាន Fresh News ថា ឆ្លើយតបនឹងបាតុភូត El Nino គណៈកម្មាធិការជាតិ បានសហការការយ៉ាងជិតស្និទ្ធជាមួយក្រសួងពាក់ព័ន្ធ ដើម្បីត្រៀមអន្តរាគមន៍លើតំបន់ប្រឈមនឹងការខ្វះខាតទឹកប្រើប្រាស់ឱ្យបានឆាប់រហ័ស និងមានប្រសិទ្ធភាព។

អ្នកនាំពាក្យរូបនេះ បានបន្តថា ក្នុងករណីដែលមានការប៉ះពាល់ខ្លាំងលើដំណាំកសិកម្មរបស់កសិករ គណៈកម្មាធិការជាតិ បានសហការជាមួយក្រសួងកសិកម្ម រុក្ខាប្រមាញ់ និងនេសាទ ត្រៀមធាតុចូលកសិកម្មមួយចំនួនសម្រាប់ផ្ដល់ជូនបងប្អូនប្រជាកសិករ។ ដោយឡែកចំពោះតំបន់ដែលខ្វះខាតទឹកប្រើប្រាស់ យើងបានសហការជាមួយក្រសួងធនធានទឹក ដើម្បីត្រៀមបើកទ្វារទឹកបន្ថែមក្នុងករណីចាំបាច់។

យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ បានឱ្យដឹថា គិតចាប់ពីថ្ងៃទី១៣ ខែមិថុនា ដល់ ថ្ងៃទី៦ ខែកក្កដា ឆ្នាំ២០២៦ គ្រោះរំាងស្ងួតប៉ះពាល់ខេត្តចំនួន ៤ គឺ ខេត្តកំពង់ធំ(១៥២ហត និងផ្ទៃដីប្រឈម ៧,៧៨៨ហត) , ខេត្តបន្ទាយមានជ័យ (៦,៤៣៦ហត)ខេត្តបាត់ដំបង (១៨,៣៦២ហត) និងេខេត្តសៀមរាប (១៩,៥០៣ហត)ស្មើឃុំ៤៨ នៃ ស្រុកចំនួន ១២ សរុបចំនួន ៤៤,៤៥៣ ហត បាននឹងកំពង់កង្វះទឹកស្រោចស្រព្វ ព្រោះពុំមានភ្លៀងគ្រប់គ្រាន់ និងស្ទឹងបឹងបួររីងស្ងួត នៅសល់សម្រាប់មនុស្ស និងសត្វ ប្រើប្រាស់់។

ដោយឡែកផ្ទៃដីកសិកម្ម ៧,៧៨៨ ហត ខេត្តកំពង់ធំ បាននឹងកំពង់សង្គ្រោះ ដោយ ឯកឧត្តម អភិបាលខេត្ត ដឹកនាំមន្ទីរជំនាញ ដាក់ម៉ាស៊ីនបូបចំនួន ៦ កន្លែង និងមានភ្លៀងធ្លាក់ជាប់គ្នា ២-៣ថ្ងៃ និងខេត្តសៀមរាប ២-៣ថ្ងៃមានភ្លៀងធ្លាក់បណ្តើរៗហើយ៕