(កំពង់ឆ្នាំង)៖ ដោយពិនិត្យឃើញថាអត្រានៃជំងឺគ្រុនឈាមក្នុងខេត្តកំពង់ឆ្នាំង បានបន្តហក់ឡើងខ្ពស់គួរឲ្យបារម្ភ ក្នុងរយៈពេល៣សប្តាហ៍ចុងក្រោយនេះ មន្ទីរសុខាភិបាលខេត្តកំពង់ឆ្នាំង នៅព្រឹកថ្ងៃទី៨ ខែកក្កដា ឆ្នាំ២០២៦ បានសហការជាមួយអាជ្ញាធរស្រុករលាប្អៀរ បើកយុទ្ធនាការចុះផ្សព្វផ្សាយអប់រំដល់ប្រជាពលរដ្ឋនៅក្នុងមូលដ្ឋានឃុំស្រែថ្មី ស្រុករលាប្អៀរ ព្រមទាំងបានដាក់អាបេត ក្នុងពាងទឹក និងបាញ់ថ្នាំសម្លាប់សត្វមូសនៅតាមគេហដ្ឋានរបស់ប្រ ជាពលរដ្ឋមួយចំនួនក្នុងឃុំស្រែថ្មីផងដែរ។

ការដាក់ថ្នាំអាបេត និងការបាញ់ថ្នាំសម្លាប់មូសខ្លាតាមលំ នៅដ្ឋានរបស់ប្រជាពលរដ្ឋខាងលើនេះ គឺជាវិធានការដ៏សំ ខាន់ ក្នុងការទប់ស្កាត់ការរាតត្បាតជំងឺគ្រុនឈាមដែលបង្កឡើងដោយមូសខ្លា។ ចំពោះថ្នាំអាបេតត្រូវបានប្រើប្រាស់ ដើម្បីកំចាត់ដង្កូវទឹកមូសមុនពេលពួកវាអាចក្លាយជាមូស ពេញវ័យ រីឯការបាញ់ថ្នាំសម្លាប់មូសមានគោលបំណងកម្ចាត់មូសពេញវ័យ ដែលកំពុងហោះហើរ។ យុទ្ធនាការខាង លើនេះត្រូវបានអនុវត្តដោយមន្ទីរសុខាភិបាលខេត្តកំពង់ ឆ្នាំង និងអាជ្ញាធរស្រុករលាប្អៀរ ដើម្បីការពារសុខភាពសា ធារណៈរបស់ប្រជាពលរដ្ឋ តាមរយៈការកាត់បន្ថយចំនួនមូសខ្លា ដែលជាហានិភ័យនៃការចម្លងជម្ងឺគ្រុនឈាម។

លោកវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលខេត្តកំពង់ឆ្នាំង បានមានប្រសាសន៍ក្នុងឱកាសដែលោកបានអញ្ជើញចុះផ្សព្វផ្សាយអប់រំដល់ប្រជាពលរដ្ឋអំពីវិធានការនៃការការពារនូវការចម្លងជំងឺគ្រុនឈាមដល់ប្រជាពលរដ្ឋ កាលពីព្រឹកមិញនេះថា ដោយពិនិត្យឃើញថា ជំងឺគ្រុនឈាមមានអត្រាហក់ឡើងខ្ពស់រយៈពេល៣សប្តាហ៍ចុង ក្រោយកន្លងមកនេះ នៅថ្ងៃនេះផងដែរ មន្ទីរសុខាភិ បាលខេត្តក៏បានធ្វើការសហការជាមួយអាជ្ញាធរស្រុករលាប្អៀរ ដើម្បីចុះអប់រំផ្សព្វផ្សាយដល់បងប្អូនប្រជាពលរដ្ឋចំនួ ន៣ភូមិក្នុងឃុំស្រែថ្មី ក្នុងស្រុករលាប្អៀរ ក្នុងនោះក៏បានធ្វើ សកម្មភាពដាក់អាបេតតាមពាង អាង និងបាញ់ថ្នាំសម្លាប់មូសខ្លាដែលជាភ្នាក់ងារចម្លងជំងឺគ្រុនឈាម តាមលំនៅដ្ឋានរបស់ប្រជា ពលរដ្ឋ គឺសកម្មភាព ៣រួមគ្នា៖

*ទី១៖ អប់រំសុខភាព
*ទី២៖ ដាក់អាបេតតាមពាង អាងរបស់ប្រជាពលរដ្ឋ និងចែកថ្នាំអាបេតជូនប្រជាពលរដ្ឋ។
*ទី៣៖ បាញ់ថ្នាំសម្លាប់មូសខ្លាតាមលំនៅឋានរបស់ប្រជាពលរដ្ឋ។

ទន្ទឹមនិងនេះលោកក៏សូមអំពាវនាវប្រជាពលរដ្ឋទាំង អស់មេត្តាចូល រួមសហការជាមួយនឹងមន្ត្រីសុខាភិបាលក៏ ដូចជាអាជ្ញាធរ ធ្វើយ៉ាងណាបងប្អូនចូលរួមដើម្បីការពារសុខភាពផ្ទាល់ខ្លួន និងក្រុមគ្រួសារក៏ដូចជាសុខភាព ក្នុងសហគមន៍របស់យើង។

លោកវេជ្ជបណ្ឌិតបានបន្តទៀតថា នៅក្នុងយុទ្ធនាការនេះផងដែរ មន្ទីរសុខាភិបាល និងអនុវត្តឲ្យបានទៀងទាត់ នៅក្នុងផែនការយុទ្ធនាការរយៈពេល៣០ថ្ងៃ។លោកក៏បានស្នើ សុំដល់ប្រជាពលរដ្ឋយើងទាំងអស់គ្នាត្រូវចូលរួមយ៉ាងស កម្មក្នុងការសម្អាតបរិស្ថាន ដែលផ្ដើមចេញពីបុគ្គលម្នាក់ៗ គ្រួសារ និងសហគមន៍ ដើម្បីលុបបំបាត់ជម្រកមូសខ្លានិងការការពារខ្លួនពីមូសខ្លា គឺត្រូវសម្អាតបរិស្ថានជុំវិញលំនៅដ្ឋានលុបបំបាត់ប្រភពទឹកដក់ បិទគម្របធុង និងពាងទឹក ឲ្យបានជិតល្អដើម្បីកុំឲ្យមូសអាចពងកូនបាន។

លោកវេជ្ជបណ្ឌិតក៏បានបញ្ជាក់ឲ្យដឹងថា ចំពោះតួរលេខដែលលោកទទួលបាននៅថ្ងៃទី៨ ខែកក្កដា ឆ្នាំ២០២៦នេះ ជំងឺគ្រុនឈាមភាគច្រើនកើតទៅលើកុមារ ចាប់ពីអាយុ២ឆ្នាំទៅដល់១៤ឆ្នាំ សរុបទូទាំងខេត្ត អ្នកជំងឺគ្រុនឈាមមានចំនួន៧៥២នាក់ ក្នុងនោះអ្នកជំងឺដែលស ម្រាកព្យាបាលនៅក្នុងមន្ទីរពេទ្យខេត្តមានចំនួន៦៧១នាក់ចំនួននេះ បើប្រៀបធៀបទៅនិងឆ្នាំ២០២៥កន្លងទៅគឺក្នុងឆ្នាំ២០២៦នេះមានការកើនឡើងពាក់កណ្ដាល។

ដោយឡែកលោក សេង វិចិត្រ អភិបាលស្រុករលាប្អៀរ បានមានប្រសាសន៍ក្នុងឱកាសដែលលោកអញ្ជើញចូលរួមផ្សព្វផ្សាយអប់រំដល់ប្រជាពលរដ្ឋអំពីវិធានការការពារ និងបង្ការនូវជំងឺគ្រុនឈាម កាលពីព្រឹកថ្ងៃទី៨ ខែកក្កដានេះឲ្យដឹងផងដែរថាចំពោះការកើនឡើងនូវជំងឺគ្រុនឈាមនៅក្នុងមូលដ្ឋានស្រុករលាប្អៀរ មិនមែនកើតឡើងតែក្នុងឃុំស្រែថ្មីនេះទេ គឺមានឃុំចំនួន៤ទៀត ដែលកំពុងកើនឡើង នូវជំងឺគ្រុនឈាមផងដែរ បញ្ហានេះអាជ្ញាធរស្រុកបាននិងកំពុងតែយកចិត្តទុកដាក់ណែនាំដល់អាជ្ញាធរភូមិគ្រប់ឃុំ នៅគ្រប់មូលដ្ឋាន ត្រូវចុះអប់រំផ្សព្វផ្សាយឱ្យបានផុលផុស ដើម្បីអោយបានដល់ប្រជាពលរដ្ឋនៅតាមមូលដ្ខាន តាមរយៈការចុះប្រជុំផ្សព្វផ្សាយ ដោយផ្ទាល់ និងចាក់តាមវិឃោ សនស័ព្ទអំពីវិធានការការពារនិងបង្ការការនូវជំងឺគ្រុនឈា មទៅតាមការណែនាំរបស់មន្ទីរសុខាភិបាល។

លោកបានបន្តថា ករណីនេះគឺអាជ្ញាធរស្រុកបានចូលរួមយ៉ា ងសកម្មក្នុងការអប់រំផ្សព្វផ្សាយដល់ប្រជាពលរដ្ឋអំពីវិធី ការពារនិងបង្ការជំងឺគ្រុនឈាម។ យុទ្ធនាការទាំងនេះត្រូវបានដឹកនាំដោយមន្ត្រីសុខាភិបាលតាម មណ្ឌលសុខភាពនានា សហការជាមួយអា ជ្ញាធរមូលដ្ឋាន ដើម្បីធានាថា ព័ត៌មានសំខាន់ៗបានទៅដល់ប្រជាពល រដ្ឋគ្រប់មូលដ្ឋាន និងបានណែនាំឲ្យប្រជាពលរដ្ឋ អាណាព្យាបាល និងអាជ្ញា ធរមូលដ្ឋាន ចូលរួមកំចាត់ដង្កូវទឹកនៅទីកន្លែងដែលមានទឹកដក់ នឹងត្រូវសម្អាតបរិស្ថានជុំវិញផ្ទះជាប្រចាំ ក្នុងនោះអាជ្ញាធរក៏បានចុះយុទ្ធនាការអប់រំផ្សព្វផ្សាយអំពីការបង្ការការពារជំងឺគ្រុនឈាមផង រួមទាំងការចូលរួមសម្អាតបរិស្ថា ន ដើម្បីបំបាត់ជម្រកមូសខ្លាផង។ ការខិតខំប្រឹងប្រែងទាំងនេះ បង្ហាញពីការយកចិត្តទុកដាក់របស់អាជ្ញាធរក្នុងការទប់ស្កាត់ការរីករាលដាលនៃជំងឺគ្រុនឈាមតាមរយៈការអប់រំនិងការចូលរួមពីសហគមន៍ផងដែរ៕