(បរទេស)៖ គិតមកទល់ពេលនេះ មានអ្នកចាត់ការទូទៅចំនួន ១១នាក់ហើយ បានចុះចេញពីតំណែងគ្រូបង្វឹក ក្រោយដឹកនាំមិនបានល្អ និងជ្រុះចេញពីព្រឹត្តិការណ៍ FIFA World Cup 2026 ដ៏លឿនបំផុតទៀតផង។

ទោះជាយ៉ាងណា លោក Didier Deschamps ដែលបានដឹកនាំមាន់គកបារាំងឡើងវគ្គ ៨ក្រុមនៃ World Cup លើកទី២៣ ដែលត្រូវតតាំងនឹងម៉ារ៉ុកនោះ បានប្រកាសលាឈប់នៅមុន World Cup ចាប់ផ្តើមទៅទៀត គ្រាដែលលោក Sabri Lamouchi គឺជាគ្រូបង្វឹកដំបូងគេ ក្នុងចំណោម ៤៨រូប ដែលត្រូវបានបញ្ចប់តួនាទីនៃក្រុមទុយនេស៊ី។

- លោក Julian Nagelsmann បានចុះចេញពីតំណែង ក្រោយអាល្លឺម៉ង់ហាលអាវត្រឹមវគ្គ ៣២ក្រុម ដោយសារចាញ់ប៉ារ៉ាហ្គាយ

- លោក Ronald Koeman បានលាឈប់ដឹកនាំហូឡង់ ក្រោយចាញ់ម៉ារ៉ុក ដោយបាល់ប៉េណាល់ទីកាត់សេចក្តីវគ្គ ៣២ក្រុម

- លោក Roberto Martinez បានលាឈប់ដឹកនាំព័រទុយហ្គាល់ ក្រោយចាញ់អេស្ប៉ាញ ១-០ នៅវគ្គ ១៦ក្រុម

- លោក Hong Myung-bo លាឈប់ពីការដឹកនាំកូរ៉េខាងត្បូង ក្រោយហាលអាវត្រឹមវគ្គចែកពូល

- លោក Steve Clarke ចាកចេញពីតំណែង ក្រោយស្កុតឡេនជ្រុះចេញពី World Cup 2026 ត្រឹមវគ្គចែកពូល

- លោក Sebastian Beccacece ចាកចេញពីតួនាទីគ្រូបង្វឹកអេក្វាទ័រ ក្រោយហាលអាវត្រឹមវគ្គ ៣២ក្រុម ក្រោមថ្វីជើងរបស់ម្ចាស់ផ្ទះមិចស៊ិក

- លោក Carlos Queiroz លាឈប់ដឹកនាំហ្គាណា ក្រោយហាលអាវពីវគ្គ ៣២ក្រុមក្រោមថ្វីជើងរបស់កូឡុំប៊ី

- លោក Marcelo Bielsa លាឈប់ដឹកនាំអ៊ុយរូហ្គាយ បន្ទាប់ពីហាលអាវត្រឹមវគ្គចែកពូល ៤៨ក្រុម

- លោក Miroslav Koubek លាឈប់ដឹកនាំជម្រើសជាតិសាធារណរដ្ឋឆេក ក្រោយហាលអាវនៃពូល A

- លោក Slatko Dalic លាឈប់ពីតួនាទីគ្រូបង្វឹកក្រូអាត ក្រោយចាញ់ព័រទុយហ្គាល់នៃវគ្គ ៣២ក្រុម

- លោក Javier Aguirre លាឈប់ដឹកនាំមិចស៊ិក ក្រោយសហម្ចាស់ផ្ទះ WC26 ចាញ់អង់គ្លេស ៣-២ វគ្គ ១៦ក្រុម៕