(ព្រះសីហនុ)៖ អនុវត្តតាមបទបញ្ជាយ៉ាងម៉ឺងម៉ាត់របស់នាយឧត្ដមសេនីយ៍ សៅ សុខា អគ្គមេបញ្ជាការរងនៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស និងលោក ម៉ាង ស៊ីណេត អភិបាល នៃគណៈអភិបាលខេត្ដព្រះសីហនុ និងក្រោមការដឹកនាំបញ្ជាផ្ទាល់របស់លោកឧត្ដមសេនីយ៍ត្រី ហេង ប៊ុនទី មេបញ្ជាការកងរាជអាវុធហត្ថខេត្ដព្រះសីហនុ នៅព្រឹកថ្ងៃទី៩ ខែកក្កដា ឆ្នាំ២០២៦ កម្លាំងការិយាល័យជំនាញ នៃមន្ទីរស្រាវជ្រាវពត៌មានសន្តិសុខ កងរាជអាវុធហត្ថខេត្តព្រះសីហនុ បានកសាងសំណុំរឿងបញ្ជូនជនសង្ស័យ ចំនួន០៣នាក់ (ស្រី០១នាក់) រួមនឹងវត្ថុតាង ទៅសាលាដំបូងខេត្ដព្រះសីហនុ ពាក់ព័ន្ធនឹងករណី លួចមានស្ថានទម្ងន់ទោស សមគំនិត និងទទួលផលចោរកម្ម ដើម្បីបន្តនីតិវិធីច្បាប់។

ជនសង្ស័យទាំង០៣នាក់ មានឈ្មោះដូចខាងក្រោម៖

*ទី១៖ ឈ្មោះ Li Wen Long អាយុ២៦ឆ្នាំ ភេទប្រុស ជនជាតិចិន
*ទី២៖ ឈ្មោះ ឌឹម ស្រីពៅ អាយុ២៩ឆ្នាំ ភេទស្រី ជនជាតិខ្មែរ
*ទី៣៖ ឈ្មោះ សីហា ស៊ីយ៉ានុត អាយុ៣០ឆ្នាំ ភេទប្រុស ជនជាតិខ្មែរ។

ក្នុងនោះវត្ថុតាងដកហូតរួមមាន៖ LapTop ម៉ាក Asus ចំនួន ១គ្រឿង, ទូរសព្ទម៉ាក iPhone 17promax ពណ៌ទឹកក្រូច ចំនួន ១គ្រឿង, ទូរសព្ទម៉ាក oppo ចំនួន ២គ្រឿង, ទូរសព្ទ ម៉ាក iPhone SE ចំនួន ១គ្រឿង, កន្ត្រៃកាត់ដែក ចំនួន១, ធុងទឹកកក ពណ៌ក្រហម ចំនួន១ និងអាវយឺត ចំនួន១។

សូមបញ្ជាក់ថា ករណីនេះ (ចោរចូលគាស់ទ្វារតូបរបស់ពលរដ្ឋ) បានកើតឡើងកាលពីថ្ងៃទី២៦ ខែមិថុនា ឆ្នាំ២០២៦។ បន្ទាប់ពីទទួលបានពាក្យបណ្តឹង លោកឧត្ដមសេនីយ៍ត្រី ហេង ប៊ុនទី បានបញ្ជារកម្លាំង ដើម្បីវែករកមុខសញ្ញា រហូតមកដល់ពេលនេះក្តោបបានជន់សង្ស័យ៣នាក់ និងកសាងសំណុំរឿងបញ្ជូនទៅតុលាការដើម្បីផ្តន្ទាទោសតៅតាមច្បាប់។

ដោយឡែកចំពោះ លោហ:ធាតុពណ៏លឿង ទម្ងន់ ៨តំម្លឹង ៥ជី មន្រ្តីជំនាញកងរាជអាវុធហត្ថ បានធ្វើការប្រគល់ជូនជនរងគ្រោះវិញ៕