(ភ្នំពេញ)៖ ប្រជាពលរដ្ឋខ្មែរចំណាកស្រុកទាំងពីរភេទ ដែលកំពុងស្នាក់នៅ និងប្រកបរបរនៅក្នុងរាជធានីភ្នំពេញ អាចអញ្ជើញទៅស្នើសុំផ្តល់អត្តសញ្ញាណបណ្ណសញ្ជាតិខ្មែរដំបូង ឬបន្តសុពលភាព នៅទីតាំងចំនួន៤។ នេះបើការបញ្ជាក់ពីមន្ត្រីនគរបាល នៃស្នងការដ្ឋាននគរបាលរាជធានីភ្នំពេញ នៅរសៀលថ្ងៃទី០៩ ខែកក្កដា ឆ្នាំ២០២៦។

ការសម្របសម្រួលនេះ ធ្វើឡើងក្នុងគោលបំណងពង្រឹងប្រសិទ្ធភាព នៃការផ្តល់សេវាអត្តសញ្ញាណបណ្ណសញ្ជាតិខ្មែរ ឲ្យកាន់តែប្រសើរ និងងាយស្រួលសម្រាប់ប្រជាពលរដ្ឋ ចំណាកស្រុកទាំងអស់។

ប្រជាពលរដ្ឋអាចទៅស្នើសុំផ្តល់អត្តសញ្ញាណបណ្ណសញ្ជាតិខ្មែរដំបូង ឬទុតិយតា ក្នុងករណីអស់សុពលភាព បាត់បង់ ឬខូចខាត នៅតាមទីតាំងមួយចំនួន ដូចខាងក្រោម៖

* ការិយាល័យអត្តសញ្ញាណបណ្ណសញ្ជាតិខ្មែរ នៃស្នងការដ្ឋាននគរបាលរាជធានីភ្នំពេញ
* ផ្សារទំនើបអ៊ីអនម៉ល២ (AEON Mall 2)
* ផ្សារទំនើបអ៊ីអនម៉ល៣ (AEON Mall 3)
* នាយកដ្ឋានអត្តសញ្ញាណបណ្ណសញ្ជាតិខ្មែរ។

សម្រាប់ព័ត៌មានលម្អិត ឬចម្ងល់ផ្សេងៗ បងប្អូនអាចទំនាក់ទំនងទៅកាន់លេខទូរស័ព្ទ៖ ០១២ ៦៩៨ ៧៧៧, ០៧៧ ៧៦៦ ៩៩៩, ឬ ០៨៦ ២១០ ១៤៧៕