(ភ្នំពេញ)៖ នៅថ្ងៃទី៩ ខែកក្កដា ឆ្នាំ២០២៦ វរសេនីយ៍ទោ រឿន ប៊ុនឡេង នាយការិយាល័យស្តីទី តំណាងឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដឹកនាំមន្ត្រីក្រោមឱវាទចូលរួមបុណ្យគម្រប់ខួប ៧ថ្ងៃសព កញ្ញា សែត សុគន្ធា មន្ត្រីជាប់កិច្ចសន្យា នៃការិយាល័យនគរបាលចរាចរណ៍ផ្លូវគោក ដែលបានទទួលមរណភាព កាលពីថ្ងៃទី៣ ខែកក្កដា ឆ្នាំ២០២៦ វេលាម៉ោង០២៖៥០នាទីទាបភ្លឺ ដោយរោគគាពាធ។

ការិយាល័យបាននាំយកបច្ច័យរបស់ឧត្តមសេនីយ៍ឯក ជួន ណារិន្ទ ចំនួន ២ ០០០ ០០០រៀល និងការិយាល័យនគរបាលចរាចរណ៍ផ្លូវគោកចំនួន ១ ៨០០ ០០០រៀល រួមជាមួយសម្ភារៈមួយចំនួន ជូនដល់ក្រុមគ្រួសារនៃសព។

អនុសេនីយ៍ឯក យ៉េង រិន្ទសារីបុត្រ នាយផ្នែកបញ្ជាចរាចរណ៍ទី២ នៃស្នងការដ្ឋាននគរបាលរាជធានីភ្នំពេញ ជួសមុខឲ្យក្រុមគ្រួសារនៃសព កញ្ញា សែត សុគន្ធា បានថ្លែងអំណរគុណដ៏ជ្រាលជ្រៅចំពោះលោកនាយការិយាល័យស្តីទី តំណាងឧត្តមសេនីយ៍ឯក ជូន ណារិន្ទ លោកស្នងការរងទទួលផែននគរបាលចរាចរណ៍ផ្លូវគោក លោកនាយរងការិយាល័យ លោកប្រធានផ្នែកបញ្ជាចរាចរណ៍ទី១ លោកនាយរងផ្នែកទាំងពីរផ្នែក មន្ត្រី និងមន្ត្រីជាប់កិច្ចសន្យាទាំងអស់ ដែលបានចូលបច្ច័យបុណ្យសព កញ្ញា សេត សុពន្ធា៕