(កានស៊ូ)៖ កិច្ចសន្ទនាស្តីពីបេតិកភណ្ឌវប្បធម៌ ចិន-អាស៊ាន ដែលប្រព្រឹត្តទៅនៅក្រុងតុនហ័ង ខេត្តកានស៊ូ ប្រទេសចិន ចាប់ពីថ្ងៃទី១ ដល់ថ្ងៃទី៥ ខែកក្កដា ឆ្នាំ២០២៦ បានក្លាយជាព្រឹត្តិការណ៍ដ៏សំខាន់មួយក្នុងការលើកកម្ពស់កិច្ចសហប្រតិបត្តិការវប្បធម៌រវាងចិន និងបណ្តាប្រទេសអាស៊ាន។

ក្នុងឱកាសដ៏វិសេសវិសាលនេះ ផ្ទាំងបដាដ៏ធំមួយ បានបង្ហាញពីការជួបគ្នារវាងល្អាងព្រះពុទ្ធរាប់ពាន់ ឬល្អាង Mogao របស់ចិន និងប្រាសាទអង្គរវត្តរបស់កម្ពុជា ដែលជានិមិត្តរូបនៃសម្បត្តិបេតិកភណ្ឌពិភពលោកដ៏ល្បីល្បាញ។ ការបង្ហាញរូបភាពល្អាងព្រះពុទ្ធរាប់ពាន់ Mogao និងប្រាសាទអង្គរវត្តនៅលើផ្ទាំងបដាដ៏ធំរួមគ្នា បានឆ្លុះបញ្ចាំងយ៉ាងច្បាស់ពីសារៈសំខាន់នៃបេតិកភណ្ឌវប្បធម៌ជាស្ពានតភ្ជាប់អរិយធម៌ និងជាកត្តាជំរុញការយោគយល់គ្នាទៅវិញទៅមក។

ល្អាង Mogao គឺជាទីតាំងបេតិកភណ្ឌពិភពលោករបស់អង្គការយូណេស្កូ ដែលល្បីល្បាញដោយសារគំនូរជញ្ជាំង និងរូបចម្លាក់ព្រះពុទ្ធសាសនាចំណាស់ៗ។

រីឯអង្គរវត្តវិញ ក៏ជាទីតាំងបេតិកភណ្ឌរបស់អង្គការយូណេស្កូផងដែរ។ ប្រាសាទអង្គរវត្ត ត្រូវបានគេសន្មតថា ជាប្រាសាទសាសនាដ៏ធំបំផុតនៅលើពិភពលោក ដែលជាប់ក្នុងកំណត់ត្រាពិភពលោក «ហ្គីនណេស» (Guinness World Records) ៕

ខាងក្រោមនេះជាវិដេអូ៖