(បរទេស)៖ ក្រុមជម្រើសជាតិបារាំង បានឡើងទៅចាំមុននៃវគ្គពាក់កណ្តាលផ្តាច់ព្រ័ត្រ FIFA World Cup 2026 បន្ទាប់ពីយកឈ្នះម៉ារ៉ុក ២ទល់នឹង០ ដែលជាជ័យជម្នះដូចគ្នាកាលវគ្គ ៤ក្រុមនៅ World Cup 2022 ដែរគ្រាដែល Kylian Mbappe កើនបាន ៨គ្រាប់ស្មើ Lionel Messi ដើម្បីប្រជែងស្បែកជើងមាស។

ការប្រកួត ៩០នាទីពេញក្នុងកីឡដ្ឋាន Boston Stadium នៅពីមុខអ្នកទស្សនាផ្ទាល់ប្រមាណជាង ៦ម៉ឺននាក់បើកឆាក វគ្គ ៨ក្រុម មាន់គកបារាំង អតីតជើងឯក World Cup ២សម័យកាល និងរងជើងឯកកាល ៤ឆ្នាំមុនផងនោះ បានដាក់សម្ពាធទៅលើក្រុមមកពីតំបន់អាហ្រ្វិក ម៉ារ៉ុកតាមរយៈស៊ុតសំដៅទីជាបន្តបន្ទាប់រហូតរកបាន ២គ្រាប់។

ទោះជាយ៉ាងណា ម៉ារ៉ុកក្នុងនាមជាក្រុមមកពីអាហ្រ្វិកដែលបានឡើងដល់វគ្គពាក់កណ្តាលផ្តាច់ព្រ័ត្រកាលនៅកាតាជាប្រវត្តិសាស្រ្តនោះ មានឱកាសស៊ុតចំគោលដៅតែ ១លើកគត់ និងខ្សែប្រយុទ្ធឆ្នើមរបស់ពួកគេ Saibari មិនត្រូវដាក់ ចូលលេងនោះទេ ដ្បិតមានបញ្ហារបួស។

Mbappe ទាត់បាល់ប៉េណាល់ទីអត់ចូលនៅនាទី២៨ មុនបញ្ចប់វគ្គទី១ ស្មើគ្នា ០-០ និងរកបានគ្រាប់បែកពងមាន់ ពេលចាប់ផ្តើមលេងវគ្គទី២ បាន ១៥នាទី និងមាន ៨គ្រាប់នៅ World Cup លើកទី២៣ តាមស្មើ Lionel Messi ដើម្បីប្រជែង Golden Boot។

ការប្រកួតឈានចូលដល់នាទី៦៦ ខ្សែប្រយុទ្ធដែលជ្រើសរើសចេញពីក្លិប Real Madrid ដដែលបានបោះបាល់ឱ្យ Dembele សម្រេចទីគ្រាប់ទី២ ក្នុងការបញ្ជូនម៉ារ៉ុកត្រឡប់ទៅផ្ទះតែម្តង។ បារាំង ត្រូវរង់ចាំជួបរវាងក្រុមឈ្នះអេស្ប៉ាញ ឬក៏ប៊ែលហ្ស៊ិក សម្រាប់វគ្គ ៤ក្រុមជាបន្តទៀត៕