(កានស៊ូ)៖ តបតាមការអញ្ជើញរបស់មជ្ឈមណ្ឌលបោះពុម្ពផ្សាយអន្តរជាតិចិន (China International Publishing Center – CIPC) ឆ្នាំ២០២៦ លោក អ៉ឹម សុខរិទ្ធី បុរាណវិទូ និងជាប្រធាននាយកដ្ឋានស្រាវជ្រាវ បណ្ដុះបណ្ដាល ផ្សព្វផ្សាយ នៃអាជ្ញាធរជាតិអប្សរា បានទៅទស្សនកិច្ច នៅក្រុងតុនហ័ង ខេត្តកានស៊ូ ប្រទេសចិន ចាប់ពីថ្ងៃទី១ ដល់ថ្ងៃទី៥ ខែកក្កដា ដើម្បីចូលរួមកិច្ចសន្ទនាស្តីពី «បេតិកភណ្ឌវប្បធម៌អាស៊ាននិងចិន»។ លោកបុរាណវិទូ បានផ្តល់បទសម្ភាសដល់បណ្តាញព័ត៌មាន Fresh News ដែលចូលរួមព្រឹត្តិការណ៍នេះដែរ។

ក្នុងឱកាសនោះ ក្នុងនាមតំណាងកម្ពុជា លោកក៏ត្រូវបានអញ្ជើញថ្លែងបទបង្ហាញពីការប្រើប្រាស់បច្ចេកវិទ្យាឌីជីថលធ្វីន (Digital Twins) ដែលកំពុងប្រើប្រាស់សម្រាប់អភិរក្ស និងអភិវឌ្ឍ នៅប្រាសាទបន្ទាយឆ្មារផងដែរ។

ក្រោមប្រធានបទ «បេតិកភណ្ឌស្ថិតស្ថេរ សម្រស់រួមសម្រាប់មនុស្សទាំងអស់» (Enduring Heritage, Shared Beauty for All) ព្រឹត្តិការណ៍នេះ បានប្រមូលផ្តុំតំណាងមកពីអង្គការអន្តរជាតិ អ្នកការទូតអាស៊ាន អ្នកប្រាជ្ញ ស្ថាប័នស្រាវជ្រាវ (Think Tanks) ស្ថាប័នសារព័ត៌មាន និងអ្នកដឹកនាំក្នុងវិស័យពាក់ព័ន្ធ៕

ខាងក្រោមនេះជាវិដេអូ៖