(ភ្នំពេញ)៖ នៅព្រឹក ថ្ងៃទី១០ ខែកក្កដា ឆ្នាំ២០២៦ កម្លាំងការិយាល័យជំនាញ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យចំនួន ១១នាក់ ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមនីតិវិធីច្បាប់ពាក់ព័ន្ធ ៣ករណីផ្សេងគ្នា បន្ទាប់ពីត្រូវបានឃាត់ខ្លួនបានជាបន្តបន្ទាប់។

ជនសង្ស័យចំនួន ០២នាក់ ១-ឈ្មោះ ថន សំណាង ភេទប្រុស អាយុ ១៧ឆ្នាំ, ២-ឈ្មោះ ដូង សុផល ភេទប្រុស អាយុ ២៨ឆ្នាំ ត្រូវបានកម្លាំងមូលដ្ឋានអាវុធហត្ថខណ្ឌដង្កោ ឃាត់ខ្លួន ពាក់ព័ន្ធករណីហិង្សាដោយចេតនាមានស្ថានទម្ងន់ទោស (យកដែកសសៃវាយទៅលើជនរងគ្រោះបណ្តាលអោយរបួសធ្ងន់) កាលពីថ្ងៃទី០៨ ខែកក្កដា ឆ្នាំ២០២៦ នៅចំណុចក្បែរការដ្ឋានបុរីជីបម៉ុងហ្គ្រែនលែនម៉ាក២១៧ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ។

ជនសង្ស័យឈ្មោះ ជា ខាវ ហៅញ៉ាញ់ អាយុ២០ឆ្នាំ ត្រូវបានកម្លាំងមូលដ្ឋានអាវុធហត្ថខណ្ឌមានជ័យ ឃាត់ខ្លួនពាក់ព័ន្ធករណីលួចម៉ូតូ កាលពីថ្ងៃទី០៨ ខែកក្កដា ឆ្នាំ២០២៦ នៅចំណុចមុខផ្ទះលេខ១១០៩ ភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។ ចំណែកឯម៉ូតូ០១គ្រឿងម៉ាក HONDA SCOOPY ផ្លាកលេខតាកែវ 1K-2759 ពណ៌ស បានប្រគល់ជូនម្ចាស់វិញ។

ជនសង្ស័យជាក្មេងទំនើងចំនួន ០៨នាក់ ត្រូវបានកម្លាំងមូលដ្ឋានអាវុធហត្ថខណ្ឌទួលគោក ឃាត់ខ្លួន កាលពីថ្ងៃទី០៥ ខែកក្កដា ឆ្នាំ២០២៦ ពាក់ព័ន្ធករណីហិង្សាដោយចេតនា (ក្មេងទំនើងវាយតប់គ្នាទៅវិញទៅមក) និងធ្វើឲ្យខូចខាតដោយចេតនា ដែលប្រព្រឹត្តនៅចំណុច ក្លឹប Roller មានទីតាំងស្ថិតនៅ ភូមិ១១ សង្កាត់បឹងកក់២ ខណ្ឌទួលគោក រាជធានីភ្នំពេញ កាលពីថ្ងៃទី៤ ខែកក្កដា ឆ្នាំ២០២៦។

ក្មេងទំនើងទាំង០៨នាក់ រួមមាន៖ ១-ឈ្មោះ ផាន់ លីគីមហូរ ភេទប្រុស អាយុ១៦ឆ្នាំ, ២-ឈ្មោះ ហេង ហ៊ុយទ្រី ភេទប្រុស អាយុ១៦ឆ្នាំ, ៣-ឈ្មោះ ពៅ ដារ៉ា ភេទប្រុស អាយុ១៧ឆ្នាំ, ៤-ឈ្មោះ រុន ចំរើន ភេទប្រុស អាយុ១៥ឆ្នាំ, ៥-ឈ្មោះ ច្រក់ ប្រេប ភេទប្រុស អាយុ១៥ឆ្នាំ, ៦-ឈ្មោះ យី ចំរើន ភេទប្រុស អាយុ១៥ឆ្នាំ, ៧-ឈ្មោះ សោ វ៉ាន់ឌីឡែន ភេទប្រុស អាយុ១៧ឆ្នាំ, ៨-ឈ្មោះ យ៉េន ជើងសាន ភេទប្រុស អាយុ២០ឆ្នាំ៕