(ភ្នំពេញ)៖ លោក Derek Yip ឯកអគ្គរដ្ឋទូតអូស្ត្រាលីប្រចាំកម្ពុជា បានឲ្យដឹងថា គិតចាប់តាំងពីឆ្នាំ១៩៩០ មាននិស្សិតកម្ពុជា ១ ១០០នាក់ ទទួលបានអាហារូបករណ៍ Australia Awards ដើម្បីបន្តការសិក្សានៅប្រទេសអូស្ត្រាលី។

លោកលើកឡើងបែបនេះ ក្នុងពិធីជួបជុំអតីតនិស្សិតបញ្ចប់ការសិក្សានៅប្រទេសអូស្ត្រាលី នាល្ងាចថ្ងៃទី១០ ខែកក្កដា ឆ្នាំ២០២៦។ ពិធីនេះ ក៏មានការអញ្ជើញចូលរួមពី លោក ហ៊ុន ម៉ានី ឧបនាយករដ្ឋមន្ត្រី និងជារដ្ឋមន្ត្រីក្រសួងមុខងារសាធារណៈ និងលោក សុខ សូកេន រដ្ឋមន្ត្រីក្រសួងអធិការកិច្ចផងដែរ។

បើតាមលោក Derek Yip គិតចាប់តាំងពីឆ្នាំ១៩៩០ មក និស្សិតកម្ពុជាជាង ៣៥ ០០០នាក់ បានជ្រើសរើសទៅសិក្សានៅប្រទេសអូស្ត្រាលី ឬនៅតាមស្ថាប័នអប់រំអូស្ត្រាលី៕