កម្លាំងត្រៀមអន្តរាគមន៍គ្រោះមហន្តរាយរបស់ស្នងការដ្ឋាននគរបាលខេត្តសៀមរាប ចុះជួយប្រជាពលរដ្ឋរលំផ្ទះ នៅតាមសង្កាត់ក្នុងក្រុងសៀមរាប
13-07-2026 11:25
(សៀមរាប)៖ កម្លាំងត្រៀមអន្ដរាគមន៍គ្រោះមហន្ដរាយរបស់ស្នងការដ្ឋាននគរបាលខេត្តសៀមរាប បានចុះជួយប្រជាពលរដ្ឋដែលរងគ្រោះដោយសារការបាក់រលំផ្ទះ នៅតាមសង្កាត់ក្នុងមូលដ្ឋានក្រុងសៀមរាប នៅរសៀលថ្ងៃទី១២ ខែកក្កដា ឆ្នាំ២០២៦។
ក្នុងភូមិសាស្ដ្រក្រុងសៀមរាប បានជួបករណីភ្លៀង និងខ្យល់កន្ដ្រាក់ខ្លាំង បានបណ្ដាលឲ្យប៉ះពាល់ដល់ភូមិឋានរបស់ប្រជាពលរដ្ឋក្នុងសង្កាត់ចំនួន៥ រួមមាន៖
*សង្កាត់ស្វាយដង្គំ៖ បាក់ដើមឈើ ៣ដើម, រំលំផ្ទាំងប៉ាណូចំនួន ១, ដួលផ្លាកយីហោចំនួន១, ដួលរលំតូបលក់ចំនួន០១ ធ្វើពីឈើប្រក់ស័ង្កសី, ខូចដំបូលPassApp ចំនួន ១ បណ្ដាលមកពីដើមឈើបាក់សង្កត់លើ
*សង្កាត់ក្របីរៀល៖ ដួលរលំផ្ទះប្រជាពលរដ្ឋចំនួន៤ខ្នង, រលំសំយាបផ្ទះ និងរបេីកដំបូលសង្គ័សីចំនួន ១ខ្នងផ្ទះ
*សង្កាត់គោកចក៖ បាក់ដើមឈើចំនួន៣ដើម បណ្ដាលឱ្យខូចខាត បន្ទប់ទឹក និងផ្ទះបាយទាំងស្រុង, រលំផ្លាកគណបក្សភ្លេីងទៀនចំនួន២ផ្លាក
*សង្កាត់ស្រង៉ែ៖ របេីកដំបូលសង្គ័សី និងក្បឿងចំនួន ៣៣ខ្នងផ្ទះ ( ដើមឈើរលំកាត់ផ្លូវចំនួន៥ដើម)
*សង្កាត់ជ្រាវ៖ របេីកដំបូលសង្គ័សី និងក្បឿងចំនួន៤ខ្នងផ្ទះ។
របាយការណ៍របស់សមត្ថកិច្ចបាបបញ្ជាក់ថា សរុបមានផ្ទះរលំចំនួន៤ខ្នង់, រលំផ្លាកប៉ាណូ និងផ្លាកយីហោចំនួន ២ផ្លាក, របេីកដំបូលផ្ទះ ស័ង្កសី ក្បឿង និងសំយាបផ្ទះ ចំនួន៣៨ខ្នង់ផ្ទះ, បាក់ដេីមឈេី ចំនួន១២ដេីម, ខូចខាតដំបូលផាស់អាប ចំនួន១គ្រឿង, ខូចខាតផ្ទះបាយ និងបន្ទប់ទឹកចំនួន៣, រលំតូបលក់ដូរ ចំនួន១តូប, រលំផ្លាកគណបក្សភ្លេីងទៀន ចំនួន២ផ្លាក។ ករណីខាងលើមិនមានបណ្តាលឱ្យគ្រោះថ្នាក់ដល់មនុស្សទេ៕
