(ភ្នំពេញ)៖ លោកបណ្ឌិត គី សេរីវឌ្ឍន៍ អ្នកជំនាញសេដ្ឋកិច្ច បានលើកឡើងថា ការបិទព្រំដែនជាឯកតោភាគីរបស់ថៃ ធ្វើឲ្យថៃខ្លួនឯងរងផលប៉ះពាល់ខ្លាំងជាងកម្ពុជា ក៏ពិតមែន ប៉ុន្តែរាជរដ្ឋាភិបាល ក៏គួរតែស្វែងរកទីផ្សារកសិកម្មបន្ថែមទៀតជូនដល់កសិករ ដែលជិតដល់រដូវប្រមូលផលសម្រាប់ឆ្នាំថ្មីឆាប់ៗខាងមុខនេះ។ នេះបើតាមការបញ្ជាក់របស់លោកបណ្ឌិត នៅក្នុងកិច្ចពិភាក្សា Fresh Talk នាថ្ងៃសៅរ៍សប្ដាហ៍កន្លងទៅ។

យ៉ាងណាមិញលោកបណ្ឌិត មើលឃើញថា សម្រាប់ឆ្នាំដំបូងនៃការបិទព្រំដែន ប្រជាពលរដ្ឋ និងកសិករខ្មែរ ពិតជាបានរងផលប៉ះពាល់ ប៉ុន្តែដំណោះស្រាយរបស់រដ្ឋាភិបាលបានធ្វើឡើងលឿន និងមាប្រសិទ្ធភាពគួរឲ្យកត់សម្គាល់។ ហេតុដូច្នេះសម្រាប់រដូវប្រមូលផលខាងមុខ លោកបណ្ឌិត គី សេរីវឌ្ឍន៍ ជឿជាក់ថា រាជរដ្ឋាភិបាល និងអាចដោះស្រាយជួយដល់កសិផល របស់កសិករបានច្រើនជាងឆ្នាំកន្លងទៅ។

ជាបន្តដើម្បីជ្រាបកាន់តែច្បាស់សូមទស្សនិកជនទស្សនាកិច្ចពិភាក្សាដូចតទៅ៖