(ភ្នំពេញ)៖ បន្ទាប់ពីព្រំដែនកម្ពុជា-ថៃ បានបិទនិងពលរដ្ឋកម្ពុជា មានឆន្ទៈខ្ពស់ក្នុងការបន្តធ្វើពហិការលើផលិតផលថៃ អស់រយៈពេលមួយឆ្នាំមកនេះ ក្នុងនាមអ្នកជំនាញសេដ្ឋកិច្ច លោកបណ្ឌិត គី សេរីវឌ្ឍន៍ បានជំរុញឲ្យរដ្ឋាភិបាល បន្តការយកចិត្តទុកដាក់ លើគុណភាពទំនិញ និងផលិតផលផ្សេងៗដែលនាំចូលមកកាន់ទីផ្សារកម្ពុជា ក្នុងកាលៈទេសៈដែលទីផ្សារកម្ពុជា ត្រូវការទំនិញមកជំនួស ផលិតផលថៃ ដែលធ្លាប់មាននៅកម្ពុជា។ នេះបើតាមការបញ្ជាក់ពីលោកបណ្ឌិត នៅក្នុងកិច្ចពិភាក្សា Fresh Talk នាថ្ងៃសៅរ៍សប្ដាហ៍កន្លងទៅ។

ជាមួយគ្នានេះ សម្រាប់ផលិតផលក្នុងស្រុក លោកបណ្ឌិត បានលើកទឹកចិត្តដល់សហគ្រិនតូចៗ គួរប្រមូលគ្នាឲ្យក្លាយជាបណ្ដុំសហគ្រិនធំមួយ ដើម្បីមានដើមទុនច្រើន បង្កើតបានផលិតផលកាន់តែមានគុណភាព និងស្តង់ដាខ្ពស់។ ចំណែករដ្ឋាភិបាលវិញ លោកបណ្ឌិត ជម្រុញឲ្យមានការជួយសម្របសម្រួល ដំណើរការនៃការចុះបញ្ជីផ្សេងៗ ឲ្យកាន់តែងាយស្រួល មានប្រសិទ្ធភាព និងឆាប់រហ័ស ដើម្បីឲ្យពាណិជ្ជករកម្ពុជា អាចបង្កើតបានទំនិញមានគុណភាព និងដាក់បំពេញទីផ្សារដែលកំពុងមានតម្រូវការខ្ពស់។

ជាបន្តដើម្បីជ្រាបកាន់តែច្បាស់សូមទស្សនិកជនទស្សនាកិច្ចពិភាក្សាដូចតទៅ៖