(ភ្នំពេញ)៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់របស់ នាយឧត្តមសេនីយ៍ ស ថេត អគ្គស្នងការនគរបាលជាតិ និងជាប្រធានអនុគណៈកម្មការទី៤ (សន្តិសុខ សណ្តាប់ធ្នាប់ និងសង្រ្គោះ) នៃកិច្ចប្រជុំពូលហ្រ្វង់កូហ្វូនី នៅយប់ថ្ងៃទី១៣ ខែកក្កដា ឆ្នាំ២០២៦នេះ កងកម្លាំងនគរបាល នៃនាយកដ្ឋានអង្គរក្ស អគ្គស្នងការដ្ឋាននគរបាលជាតិ បានធ្វើហាត់សមក្បួនហែរអមទ្រង់ទ្រាយធំលើកទី៣ ចាប់ពីកោះពេជ្រ រហូតដល់អាកាសដ្ឋានអន្ដរជាតិតេជោ ដែលជាការហ្វឹកហាត់ក្បួនហែរអម ត្រៀមការពារសន្ដិសុខ សណ្ដាប់ធ្នាប់ និងសុវត្ថិភាព ក្នុងកិច្ចប្រជុំពូលហ្រ្វង់កូហ្វូនី ដែលកម្ពុជាធ្វើជាម្ចាស់ផ្ទះនាពេលខាងមុខ។

លោកឧត្តមសេនីយ៍ឯក យឹម លាង អគ្គស្នងការរងនគរបាលជាតិ ដែលទទួលបន្ទុកដឹកនាំការងារនាយកដ្ឋានអង្គរក្ស បានថ្លែងអំណរគុណយ៉ាងជ្រាលជ្រៅ ចំពោះការចូលរួម និងការយោគយល់អាធ្យាស្រ័យពីប្រជាពលរដ្ឋ និងអ្នកធ្វើដំណើរផងដែរ ចំពោះការកកស្ទះពេលក្បួនឆ្លងកាត់។

លោកឧត្តមសេនីយ៍ឯក យឹម លាង បញ្ជាក់ទៀតថា ការហាត់សមនេះ បានបញ្ចប់ដោយរលូនតាមផែនការដែលបានគ្រោងទុក ទន្ទឹមនោះកងកម្លាំងទាំងអស់មានស្មារតីទទួលខុសត្រូវខ្ពស់ និងម្ចាស់ការពីចម្ងាយ។

បើតាមលោកឧត្តមសេនីយ៍ឯក យឹម លាង បានឲ្យដឹងថា សម្រាប់តម្រាយផ្លូវនៃការហ្វឹកហាត់នេះ គឺចាប់ផ្ដើមចេញពី៖
១៖ បរិវេណមុខសាលមហាស្រពកោះពេជ្រ
២៖ ផ្លូវនាគបាញ់ទឹក
៣៖ វិមានឯករាជ្យ
៤៖ ផ្លូវព្រះសីហនុ
៥៖ អាគារ៤២ជាន់ ស្ដុបពេទ្យចិន (បត់ឆ្វេងតាមបណ្ដោយផ្លូវមុន្នីវង្ស)
៥៖ ស្ពានអាកាសសម្ដេចតេជោ ហ៊ុន សែន
៧៖ មហាវិថីសម្តេចតេជោ ហ៊ុន សែន (ផ្លូវ ៦០ម៉ែត្រ)
៨៖ ឆ្ពោះទៅអាកាសដ្ឋានអន្ដរជាតិតេជោ ក្រុងតាខ្មៅ ខេត្តកណ្តាល

*ដោយឡែកផ្លូវត្រលប់ចេញពីអាកាសយានដ្ឋានអន្ដរជាតិតេជោ
១៖ មហាវិថីសម្តេចតេជោ ហ៊ុន សែន (ផ្លូវ ៦០ម៉ែត្រ)
២៖ មហាវិថីព្រះមុនីវង្ស
៣៖ ឆ្លងកាត់ស្ពានមិត្តភាពកម្ពុជា-ជប៉ុន(ជ្រោយចង្វារ)
៤៖ សណ្ឋាគារ រ៉េស៊ីដង់ សុខា ភ្នំពេញ
*ដោយឡែកត្រឡប់ចេញពីសណ្ឋាគារ រ៉េស៊ីដង់ សុខា ភ្នំពេញ
១៖ ឆ្លងកាត់ស្ពានមិត្តភាពកម្ពុជា-ចិន
២៖ មហាវិថីព្រះមុនីវង្ស
៣៖ ផ្លូបេកាសេ បត់ឆ្វេងមកផ្លូវភ្លោះពេទ្យអង្គឌួង
៤៖ មហាវិធីព្រះនរោត្តម
៥៖ វិមានឯករាជ្យ
៦៖ ផ្លូវនាគបាញ់ទឹក
៧៖ បញ្ចប់នៅបរិវេណមុខសាលមហាស្រពកោះពេជ្យ៕