(សៀមរាប)៖ ក្រុមអន្តរាគមន៍ថ្នាក់ជាតិទប់ស្កាត់ និង​បង្ក្រាប​បទល្មើសជលផលបឹងទន្លេសាប ប្រចាំស្នាក់ការកំពង់ភ្លុក ដឹកនាំដោយ​លោក សោម សុវណ្ណ នាយរងអធិការដ្ឋានរដ្ឋបាលជលផលខាងជើង​បឹង​ទន្លេសាប នៅថ្ងៃទី១៧ ខែកក្កដា ឆ្នាំ២០២៦ បានចុះត្រួតពិនិត្យ និងទប់ស្កាត់បង្ក្រាបបទល្មើសនេសាទ នៅក្នុងសង្កាត់ចុងឃ្នៀស ក្រុងសៀមរាប។

សកម្មភាពនេះក៏មានការចូលរួមពីសំណាក់ខណ្ឌរដ្ឋបាលជលផលសៀមរាប ផ្នែករដ្ឋបាល​ជលផលចុង​ឃ្នៀ​ស សង្កាត់រដ្ឋបាលជលផលភ្នំក្រោម សហគមន៍នេសាទ​ចុងឃ្នៀស ដឹកនាំដោយលោក ពត វណ្ណដេត រដ្ឋបាលក្រុងសៀមរាប រដ្ឋបាល​សង្កាត់ចុងឃ្នៀស និងប្រជាការពារ ដឹកនាំដោយលោក ហាយ យង់ អភិបាលរង​ក្រុងសៀមរាប មន្ទីរបរិស្ថានខេត្តសៀមរាប និងកម្លាំងកងទ័ពចំណុះយោធ​ភូមិ​ភាគទី ៤ បាន

ក្នុងប្រតិបត្តិការបង្ក្រាបនោះ គឺធ្វើឡើងចាប់ពីចំណុចមាត់ពាមចុងឃ្នៀស សង្កាត់​ចុងឃ្នៀស ក្រុងសៀមរាប រហូតដល់ចំណុចជ្រោយពពាយ ចំណុចថ្គោល និង​ចំណុច​អូរប្រតប់ ស្ថិតក្នុងសង្កាត់ចុងឃ្នៀស ក្រុងសៀមរាប។

ជាលទ្ធផល កម្លាំងចម្រុះបានធ្វើការរុះរើ និងបំផ្លាញចោលនូវឧបករណ៍ស្បៃមុង​ខុស​ច្បាប់នៅនឹងកន្លែងចំនួន ០១ ករណី រួមមាន៖ របាំងស្បៃមុងចំនួន ១១៥ ខ្សែ សាច់ស្បៃមុងប្រវែង ៥,៥៥០ ម៉ែត្រ ក្បាលលូស្បៃមុងចំនួន ១៥ គ្រឿង បង្គោលចំរឹងចំនួន ១,២០០ដើម ព្រមទាំងបានធ្វើការចាក់លែង​ត្រីចម្រុះ​ប្រមាណ ១០០គីឡូក្រាម ចូលទៅក្នុងបឹងធម្មជាតិវិញផងដែរ៕