(ភ្នំពេញ)៖ នេះជារឿងរ៉ាវពិតរបស់អ្នកនាង សួន សាវឿន ដែលបានប្រឈមការខ្វះខាតលើជីវភាពយ៉ាងខ្លាំងនាពេលបច្ចុប្បន្ន។ អ្នកនាង សួន សាវឿន កាលពីឆ្នាំ១៩៩៧ បានប្រលងជាប់លេខ១ ម្ចាស់ជ័យលាភីចម្រៀងសម័យ នៅស្ថានីយ៍ទូរទស្សន៍ប៉ុស្តិ៍អប្សរាលេខ១១ ប៉ុន្តែក្រោយច្រៀងមួយរយៈពេលនៅតាមរង្គសាល អ្នកនាងត្រូវចាកចេញពីភ្នំពេញ ទៅកាន់ស្រុកកំណើតវិញរស់នៅជាមួយម្តាយចាស់ជរា។

ព្រោះតែម្តាយ និងគ្រួសារ អតីតម្ចាស់ជ័យលាភីរូបនេះ បានធ្វើជាកម្មករសំណង់ ពេលខ្លះដើរបេះត្រកួន បេះព្រលិតលក់ ដើម្បីតែក្រពះ។

នៅថ្ងៃទី១៧ ខែកក្កដា ឆ្នាំ២០២៦ អ្នកស្រី ត្រូវបានអតីតតារាភាពយន្តអ្នកស្រី ចាន់ តារាទី នាំមកទទួលអំណោយពីគ្រួសារសប្បុរធម៌មួយ ដែលបានចែកទានជូនដល់បងប្អូនសិល្បករសិល្បការិនីជើងចាស់មួយចំនួន ដែលមានជីវភាពលំបាក។

តាមរយៈកិច្ចសម្ភាសន៍ជាមួយអ្នកស្រី ចាន់ តារាទី, គេសង្ឃឹមថា លោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរ នឹងបានមើលឃើញ ហើយចូលរួមចែករំលែកសម្រាលទុក្ខលំបាករបស់គាត់បានមួយផ្នែក រួមទាំងបងប្អូនសិល្បករចាស់ៗជាន់មុនផងដែរ។

នេះជាលេខទូរសព្ទរបស់អ្នកនាង សួន សាវឿន 017 642 256!