(ភ្នំពេញ)៖ ក្រសួងបរិស្ថាន​​ បានបង្ហាញពីស្ថានភាពគុណភាពខ្យល់នៅទូទាំងប្រទេសសម្រាប់ថ្ងៃទី២០ ខែកក្កដា ឆ្នាំ២០២៦ ដោយបង្ហាញថា គុណភាពខ្យល់ស្ថិតក្នុងកម្រិត «ល្អណាស់» និង «ល្អ»។ នេះជាដំណឹងដ៏ល្អមួយដែលឆ្លុះបញ្ចាំងពីបរិយាកាសស្អាត និងមានសុវត្ថិភាពសម្រាប់សុខភាពប្រជាពលរដ្ឋ។

យោងតាមសេចក្តីជូនដំណឹងនេះ កំហាប់ភាគល្អិតនិចលគិតជាមធ្យមសម្រាប់រយៈពេល ២៤ម៉ោង គឺស្មើនឹង ១១.០៤ µg/m3 ដែលទាបជាងស្តង់ដារកំណត់ ៥០ µg/m3 យ៉ាងច្រើន។ សន្ទស្សន៍គុណភាពខ្យល់ (Air Quality Index) ត្រូវបានវាយតម្លៃថា «ល្អណាស់» ដែលជាកម្រិតខ្ពស់បំផុតនៃគុណភាពខ្យល់ល្អ។

ខេត្តចំនួន១៧ ដែលមានគុណភាពខ្យល់ «ល្អណាស់»​ (ពណ៌ខៀវ) រួមមាន៖ ខេត្តបន្ទាយមានជ័យ, ខេត្តកណ្តាល, ខេត្តបាត់ដំបង, ខេត្តកំពង់ស្ពឺ, ខេត្តកែប, ខេត្តព្រះវិហារ, ខេត្តកំពង់ធំ, ខេត្តកំពត, ខេត្តមណ្ឌលគីរី, ខេត្តក្រចេះ, ខេត្តព្រះសីហនុ, ខេត្តកំពង់ឆ្នាំង, ខេត្តពោធិ៍សាត់, ខេត្តប៉ៃលិន, ខេត្តស្វាយរៀង, ខេត្តព្រៃវែង និង ខេត្តស្ទឹងត្រែង។

ចំណែកឯខេត្តចំនួន ៤ទៀត រួមមាន ខេត្តកោះកុង, រាជធានីភ្នំពេញ, ខេត្តរតនគិរី និង ខេត្តសៀមរាប ត្រូវបានវាយតម្លៃថាមានគុណភាពខ្យល់ «ល្អ» (ពណ៌បៃតង)។

ស្ថានភាពនេះបង្ហាញថា គុណភាពខ្យល់នៅទូទាំងប្រទេសកម្ពុជាមានលក្ខណៈល្អប្រសើរ ដែលរួមចំណែកដល់ការលើកកម្ពស់សុខភាពសាធារណៈ និងបរិស្ថានរស់នៅប្រកបដោយផាសុកភាព។ ក្រសួងបរិស្ថានបន្តជំរុញការចូលរួមពីគ្រប់ភាគីពាក់ព័ន្ធក្នុងការថែរក្សាបរិស្ថាន និងកាត់បន្ថយការបំពុលខ្យល់ ដើម្បីធានាបាននូវគុណភាពខ្យល់ល្អសម្រាប់ពេលអនាគត៕