(បរទេស)៖ លោក Alejandro Dominguez ប្រធានសហព័ន្ធបាល់ទាត់ប្រចាំតំបន់អាមេរិកឡាទីន (ខាងត្បូង) CONMEBOL បានចេញមកប្រកាសក្តែងៗថា ព្រឹត្តិការណ៍បាល់ទាត់ពិភពលោក FIFA World Cup នៅឆ្នាំ២០៣០ នឹងមាន ៦៤ប្រទេសលេងជុំចុងក្រោយ ពុំមែន ៤៨ក្រុមដូចឆ្នាំនេះឡើយ។

ការចេញមកប្រកាសនេះដែរ បន្ទាប់ពី World Cup 2026 ដែលរៀបចំសហរដ្ឋអាមេរិក មិចស៊ិក និងកាណាដា ទើបបញ្ចប់កាលពីថ្ងៃទី១៩ ខែកក្កដា និងបន្ទាប់ពីប្រធាន FIFA លោក Gianni Infantino ក៏បានកំពុងពិចារណា ក្នុងការពង្រីកក្រុមពី ៤៨ប្រទេសដែលទើបលេងលើកដំបូងនេះ កើនដល់ ៦៤ក្រុមនា ៤ឆ្នាំបន្ទាប់ទៀតផង។

ទោះជាយ៉ាងណា លទ្ធភាពអាចនឹងទៅរួច ក៏ព្រោះ World Cup 2030 មាន ៦ប្រទេសឯណោះត្រៀមធ្វើម្ចាស់ផ្ទះរួមគ្នា និងចាប់ផ្តើមដំបូងចេញពីតំបន់អាមេរិកឡាទីនតែម្តងរួមមាន អ៊ុយរុយហ្គាយ អាហ្សង់ទីន និងប៉ារ៉ាហ្គាយ ជាទីតាំងដែល World Cup ចាប់បដិសន្ធិ មុនឆ្លងទៅប្រកួតនៅអេស្ប៉ាញ ព័រទុយហ្គាល់ និងប្រទេសម៉ារ៉ុក។

គោលបំណងធំក្នុងការបន្ថែមក្រុមនេះដែរ គឺដើម្បីប្រទេសតូចៗដទៃបានចូលរួម និងជាពិសេសដើម្បីគម្រប់ខួប ១០០ឆ្នាំនៃព្រឹត្តិការណ៍ដ៏មហាអស្ចារ្យ ដែលបានរៀបចំដំបូងកាលឆ្នាំ១៩៣០ នៅអ៊ុយរុយហ្គាយ៕