(កណ្ដាល)៖ អគ្គិភ័យបានឆាបឆេះផ្ទះពលរដ្ឋម្នាក់ នៅក្នុងភូមិព្រែក ឃុំត្រើយស្លា ស្រុកស្អាង នៅថ្ងៃអង្គារ ទី២១ ខែកក្កដា ឆ្នាំ២០២៦។ ភ្លាមនោះរថយន្តពន្លត់អគ្គិភ័យបានមកជួយបាញ់ពន្លត់ទាន់ពេល ដែលមិនបង្កឲ្យឆេះដល់ផ្ទះអ្នកជិតខាង។ ម្ចាស់ផ្ទះក៏បានឆក់ខ្សែភ្លើងអគ្គិសនីផងដែរ តែសំណាងល្អមិនមានបញ្ហាធ្ងន់ធ្ងរ។

ផ្ទះដែលឆេះមានទំហំ៦x៧ម៉ែត្រ ជាប្រភេទផ្ទះឈើ ប្រក់ស័ង្កសី មានម្ចាស់ឈ្មោះ ពេជ្រ សាន អាយុ៣២ឆ្នាំ (ជាប្ដី) និងឈ្មោះ ហាន គុយអេង អាយុ៣២ឆ្នាំ (ជាប្រពន្ធ) មុខរបរលក់ដូរ មានសមាជិកក្នុងគ្រួសារចំនួន ០៧នាក់ ស្រី០៤នាក់ ក្នុងនោះអាយុក្រោម១៨ឆ្នាំចំនួន៣នាក់ ស្រី២នាក់។

ទំហំខូចខាត៖ ឆេះផ្ទះ១ខ្នងទំហំ៦x៧ម៉ែត្រ (ឆេះអស់១០០%), ម៉ូតូគុបមូល១គ្រឿង, ជញ្ជីងប៉ុងធំ១គ្រឿង, កង់ចំនួន៣គ្រឿង, ម៉ាស៊ីនត្រជាក់១គ្រឿង, ម៉ាស៊ីនបោកខោអាវ ១គ្រឿង, ទូទឹកកក១គ្រឿង, ម៉ាស៊ីនបាញ់ថ្នាំស្វាយចំនួន ២គ្រឿង, ម៉ាស៊ីនម៉ាស៊ូតចំនួន១គ្រឿង (សម្រាប់បូមទឹក), គ្រែចំនួន៣គ្រឿង, ម៉ូតូអូសរ៉ឺម៉ក (សម្រាប់លក់ប្រហិត) ចំនួន១គ្រឿង, ខោអាវ និងថវិកាមួយចំនួន៕